Urkunde Nr. 660 aus Band II
- Seite im UB:
- 77
- Heute in:
- Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]
- Druckvorlage:
- nach Original
- Abdruck als:
- Volltext
- Sprache:
- Latein
660
1350 Juni 3 Das Weissenburger Kapitel bezeugt, dass der Prior Dominik an Comes Wyllermus von Weissenburg eine Vinea verkauft hat. Orig. Pap. Kapitelarchiv Karlsburg. Siegel, rund, Durchmesser 4.1 Centimeter, war in weisses Wachs auf der Rückseite aufgedrückt.
Regest: Történelmi tár (
») 1892, 509.
Nos capitulum ecclesiae Transsiluanae significamus tenore praesentium quibus expedit universis, quod religioso viro fratre Dominico priore claustri beatae Mariae virginis pro se ipso ac toto conventu suo ab una, parte ab alia vero comite Wyllermo hospite Albensi coram nobis personaliter constitutis confessum exstitit per eundem fratrem Dominicum priorem pariter et relatum, quod cum monasterium beatae Mariae virginis reparatione et refectione multum indigeret et facultates ipsius claustri ad hoc minime sufficerent quandam vineam per Pechew sagiparium ipsi claustro legatam in districtu Albensi in loco Poppotaka in vicinitate vinearum eiusdem comitis Wyllermi et Dominici filii Bartholomei existentem cum omnibus fructibus et utilitatibus suis, si quae sunt aut forent vel fieri possunt in futurum, pro viginti marcis brevibus plene solutis et receptis ab eodem et in utilitatem ac commodum ipsius monasterii beatae virginis conversis et convertendis eidem comiti Wyllermo in filios filiorum perpetuo et irrevocabiliter possidendam, tenendam pariter et habendam vendidisset et dedisset ac vendidit coram nobis assumens et obligans se idem Dominicus prior ac successorem suum et totum ipsum conventum ratione praedictae vineae eundem comitem Wyllermum et suos successores ab omnibus molestare et inquietare volentibus propriis laboribus et expensis per omnia expedire. Datum in octavis festi corporis Christi, anno eiusdem M
mo CCC
mo quinquagesimo. [S. 78]