Urkunde Nr. 664 aus Band II

Seite im UB:

80-81 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 3.

Druckvorlage:

nach Original

Abdruck als:

Volltext

Sprache:

Latein

---

664

Ofen 1351 Oktober 18 Herzog Stephan befiehlt Nikolaus, Comes von Kronstadt, und Genossen, die Pfarrer des Burzenländer Kapitels im vollen Genuss des Zehntens zu belassen, beziehungsweise Zehntanteile nur gegen Geldentschädigung von ihnen zu erwerben.

Stephanus dei gratia dux Transiluanus omnibus fidelibus suis tam nobilibus quam ignobilibus in regno nostro constitutis, ad quorum notitiam praesentes fuerint devolutae, specialiter Nycolao filio Briccii comiti de Braschaw necnon vicecomiti suo ac omnibus suis successoribus in perpetuum constituendis significamus, quod ad nostram accedentes excellentiam honorabiles viri et domini dominus Nycolaus decanus ac plebanus de Braschaw ac dominus Cristanus de Widenbach plebanus in persona omnium rectorum ecclesiarum dicti decanatus de Brassaw conquerendo ac supplicando nobis retulerunt defectus et necessitates praedictarum ecclesiarum videlicet, quod per praedictum Nycolaum filium Briccii et a suis antecessoribus ecclesiae dictae magno gravamine premerentur ac sua libertate privarentur tali modo, quod quartam partem decimae sibi usurparent ac in detrimentum ecclesiarum suarum hactenus usurpassent, quod tamen fieri de iure non debebat, et de hoc per literas nostrorum fidelium scilicet de Brassaw necnon Cybyniensium et ad eos pertinentium¹⁾ plenius sumus certificati. Nos igitur misericordia moti cogitantes, quoniam dies hominis breves sunt, et etiam nostrum promissum, quod unumquemque in sua libertate atque iure gratiosius volumus conservare et specialiter dictum atque gravamen atque iugum a cervice ac humero praedictarum ecclesiarum dicti decanatus de Brassaw omnimode tollimus et resecamus. Quapropter vobis omnibus ac singulis et specialiter Nycolao filio Briccii comiti de Brassaw ac omnibus suis successoribus firme firmius ac districte praecipiendo damus in mandatis nostro ducali edicto, quatenus nullam partem decimarum ecclesiarum dictarum recipere nec vobis usurpare de cetero praesumatis, quia decimae sunt tributa egentium animaram, ut iura testantur. Nihilominus volumus, ut ecclesiis aeterni regis earumque rectoribus nullam molestiam nec gravamen deinceps inferre audeatis. Et si vobis aliqua pars praedictarum decimarum pro nostro castro vel vestra utilitate placuerit, a praedictis sacerdotibus pecunia vestra comparare debetis et ipsi libentius vobis prae aliis favebunt et donabunt. Quare in praemissis secus non facturi, sicut nostram ducalem gratiam graviter offendere formidatis. Igitur ad nostri [S. 81] mandati specialem firmitatem praesentes sigillo nostro secreto tradimus roboratas. Praesentes vero reddi volumus praesentantibus. Datum Budae, anno domini M^o CCC^o quinquagesimo primo, in die sancti Lucae evangelistae.

Unter dem Siegel: Relatio Konth¹⁾ filii Symonis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 80, 1 auf S. 81 (dortige 2 zu nachfolgender Urkunde).^{^}
[S. 80]
1) Vorlage: pertinentes.^{^}
[S. 81]
1) Die Buchstaben: ont sind sicher. Die Schrift ist sehr klein.^{^}