Urkunde Nr. 667 aus Band II

Seite im UB:

84

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 9.

Druckvorlage:

nach Original

Abdruck als:

Volltext

Sprache:

Latein

---

667

Ofen 1351 Dezember 16 König Ludwig I. sichert den Hermannstädter Kaufleuten gegen Entrichtung des üblichen Zolles freien Verkehr durch das Reich.

Nos Lodouicus dei gratia rex Hungariae memoriae commendantes tenore praesentium significamus quibus expedit universis, quod comes Mychael de Cybinyo de partibiis Transsiluanis in sua et universorura civium ac hospitum nostroram fidelium de eadem ac ad eandem pertinentium personis ad serenitatis nostrae accedendo praesentiam nobis humiliter studuit declarare, quod cum ipsi cives et hospites nostri cum rebus ipsorum mercimonialibus ad diversas partes regni nostri procederent, per nonnullos indebite molestarentur resque et bona eorundem calumniose arestarentur specialiter vero in locis tributorum, licet ipsi iustum et consuetum tributum persolverent plene et integre, per quod ipsi cives et hospites nostri turbarentur et damna non modica paterentur. Unde cum nos praedictos cives et hospites nostros indebite et calumniose per quospiam non velimus perturbari et aggravari, volumus et vobis universis praelatis, baronibus, comitibus, castellanis, nobilibus, officialibus et aliis cuiusvis status et praeeminentiae hominibus tributa habentibus eorumque tributariis quibus praesentes ostenduntur firmo edicto regio praecipientes mandamus, quatenus praedictos cives et hospites nostros de Cybinyo ac ad eandem pertinentes, ad quascumque partes regni nostri et per quascumque vias videlicet sive per alpes Mezes sive per Waradinum sive autem per Deuam cum rebus ipsorum mercimonialibus processerint et transitum fecerint, iustis et consuetis tributis ipsorum persolutis sine molestia et perturbatione aliquali abire permittatis salvis rebus et personis nec res et bona eorundem indebite et calumniose arestare audeatis nec etiam aliis permittatis. Si qui vero ex vobis aliquid actionis vel quaestionis contra eosdem habuerint vel habent, in praesentia iudicis et iuratorum eiusdem civitatis in medio ipsorum exequantur iustitia mediante, ex parte quorum ipsi iustitiae facient complementum quibuslibet querulantibus de eisdem, obtentu nostrae gratiae aliud facere non audentes. Datum Budae, quarto die festi beatae Luciae virginis, anno domini M^o CCC^mo L^mo primo.

Unter dem Siegel: Specialis commissio reginae et deliberatio baronum.

Auf der Rückseite, von der Kanzlei: Specialis commissio reginae et deliberatio baronum.