Urkunde Nr. 682 aus Band II

Seite im UB:

101-102

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

682

1353 Dezember 13 Das Weissenburger Kapitel bezeugt, dass Mannus von Kalyan und dessen Bruder ihre Besitzung Vndoteleke an Klausenburg verkauft haben.

Capitulum ecclesiae Transsiluanae omnibus Christi fidelibus praesentibus et futuris praesens scriptum inspecturis salutem in omnium salvatore. Quoniam memoriae novercatur oblivio et ne temporaliter acta a memoria succedentium simul cum labenti tempore elabentur, provida hominum saggacitas adinvenit series gestarum rerum scripti patrocinio communiri pro rei memoria sempiterna. Proinde ad universorum praesentium et futurorum notitiam harum serie volumus pervenire, quod Mannus filio Johannis nobili de Kallyan pro se et pro Bartholomeo fratre suo uterino cum procuratoriis literis conventus monasterii beatae virginis de Clusmonustra necnon Jacobo filio suo ab una, magistro vero Rymario notario civitatis de Cluswar pro universis civibus et hospitibus de eadem civitate Cluswar parte [S. 102] altera coram nobis personaliter constitutis, confessum exstitit per eundem Mannus filium Johannis pariter et relatum ministerio vivae vocis, quod ipsi quadam necessitate inevitabili praepediente quandam possessionem eorum Vndotelek alio nomine Tarchahaza vocatam in comitatu de Clus iuxta fluvium Zomus existentem cum omnibus suis utilitatibus et pertinentiis quibuslibet videlicet terris arabilibus, fenetis, pratis, aquis, locis molendini et aliis quibuslibet ad ipsam possessionem spectantibus, quae nunc sunt et in futurum esse poterunt, eisdem civibus et hospitibus de dicta civitate Cluswar pro centum marcis marcam quamlibet cum octuaginta grossis computando plene solutis et receptis ab eisdem vendidissent, dedissent et tradidissent, ac idem Mannus in sua et ipsius Bartholomei fratris ac Jacobi filii sui personis vendidit, dedit, tradidit coram nobis perpetuo et irrevocabiliter possidendam, tenendam pariter et habendam nullum ius nullumque dominium proprietarium sibi et eorum posteris in eadem possessione Vndotelek reservando sed totum ius et dominium proprietarium in eosdem cives et hospites de eadem civitate Cluswar transferentes tamquam veros dominos et legitimos possessores, assumens etiam et obligans praefatus Mannus se et ipsos Bartholomeum fratrem ac Jacobum filium suum ab omnibus ratione ipsius possessionis eosdem cives et hospites molestare seu inquietare volentibus ubique expedire propriis eorum laboribus et expensis. In cuius rei testimonium praesentes concessimus literas nostras privilegiales sigilli nostri pendentis munimine roboratas. Datum in festo beatae Luciae virginis et martyris, anno domini M^mo CCC^mo quinquagesimo tertio. Discretis viris Dominico praeposito, Lorando custode, Benedicto cantore et Nicolao archidiacono de Clus decano ecclesiae nostrae existentibus.