Urkunde Nr. 66 aus Band I

Seite im UB:

57

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Vat. (Registra Vaticana) Nr. 16, fol. 47 recto.

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

66

Anagni [1232] Oktober 22 Papst Gregor IX. beauftragt den Kardinallegaten Jacobus, den Streit zwischen dem siebenbürgischen Bischof und der Abtei Kolozsmonostor zu entscheiden.

Gregorius episcopus . . . . . dilecto filio . .¹⁾ electo Praenestrino, apostolicae sedis legato salutem . . . . . Significante venerabili fratre nostro . .²⁾ Ultrasilvano episcopo, nos noveris accepisse, quod cum nos dudum dilecto filio Egidio subdiacono et capellano nostro tunc in Ungaria existenti commisissemus causam, quae inter ipsum ex parte una et . . abbatem et con Tentum monasterii de Clusa Ultrasüvanae diocesis ex altera super statu eiusdem monasterii dignoscitur agitari, et idem causam de utriusque partis assensu ad examen sedis apostolicae remisisset, sub poena excommunicationis partibus iniungendo, ut in octavis omnium sanctorum iam transactis per se vel procuratores idoneos nostro se conspectui praesentarent, sicut idem capellanus confessus fuit postmodum in nostra et fratrum nostrorum praesentia constitutus, licet in praefixo termino coram nobis comparuerit eiusdem episcopi procurator, pro parte tamen praemissorum abbatis et conventus nullus comparuit responsalis. Unde nos ipsos iterum fecimus per venerabilem fratrem nostrum . .³⁾ episcopum Cenadiensem citari festum nativitatis beatae Mariae proxime iam transactum pro peremptorio assignantes eisdem, ad quem ipsi nec venire, nec pro se procuratorem idoneum mittere curaverunt, procuratore iam dicti episcopi apud sedem apostolicam exspectante. Volentes igitur ut finis litibus imponatur, mandamus, quatenus, si est ita, abbate ac conventu praedictis, ne de sua possint contumacia gloriari, praefato episcopo in expensis taxatione competenti praehabita, condemnatis, partibus convocatis, audias causam et contrafacientes . . . . . testes . . . . . Datum Anagniae, XI. Kalendas Novembris, anno sexto. [S. 58]


1) Jacobus.^{^}
2) Raynaldus.^{^}
3) Basilius, Bulchu.^{^}