Urkunde Nr. 695 aus Band II

Seite im UB:

111-112 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

695

1355 Juli 16 Das Weissenburger Kapitel bezeugt, dass Johann, Sohn Ladislaus' von Moyus, den Söhnen Jakobs und Johanns von Bethlen den vierten Teil der Besitzung Szentmarton verpfändet hat. [S. 112]

Nos capitulum ecclesiae Transsiluanae significamus tenore praesentium quibus expedit universis, quod Johanne filio Ladislai de Moyus ab una, Andrea vero filio Jacobi filii Apa de Bethlen pro se et pro Jacobo ac Dionisio filiis eiusdem Jacobi necnon Gregorio et Apa filiis Johannis filiorum eiusdem Apa fratribus suis parte ab altera coram nobis personaliter constitutis confessum exstitit per eundem Johannem filium Ladislai pariter et relatum, quod ipse quibusdam necessitatibus suis compulsus rectam quartam partem possessionis suae Zenthmartun vocatae in comitatu de Clus iuxta fluvium Lekence existentis cum omnibus utilitatibus et pertinentiis quibuslibet ad dictam quartam partem spectantibus hinc a data praesentium usque revolutionem annualem eisdem Andreae, Jacobo et Dionisio filiis Jacobi, Gregorio et Apa filiis Johannis filiorum Apa pro duodecim marcis marcam quamlibet cum octuaginta grossis computando partim in denariis et partim in aestimatione condigna plene habitis et receptis ab eisdem pignori obligasset, et obligavit coram nobis tali conditione mediante, quod si idem Johannes filius Ladislai dictam quartam partem possessionis ab eisdem nobilibus de Bethlen pro ipsis duodecim marcis in ipsa revolutione annuali redimere nollet aut non posset, ex tunc transacta ipsa revolutione annuali cum duplo praedictarum duodecim marcarum redimere teneretur et insuper iudici in birsagio trium marcarum convinceretur ipso facto, medio autem tempore, quousque redimere poterit, universos fructus et utilitates quartae partis dictae possessionis Zenthmartim vocatae percipiunt nobiles de Bethlen ante dicti. Datum quinta feria proxima post festum Margarethae virginis et martyris, anno domini M^o CCC^o quinquagesimo quinto.


a) Seitenumbruch nach Kopfregest.^{^}