Urkunde Nr. 698 aus Band II

Seite im UB:

114-115 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

698

1355 August 26 Der Kolozsmonostorer Konvent bezeugt, dass Comes Johann, Sohn Vyvianus' von Wins, in Betreff der Besitzung Varadja gegen den gewesenen Vizewoiwoden Peter Einsprache erhoben hat.

Nos conventus ecclesiae beatae virginis de Clusmonstra significamus tenore praesentium quibus expedit universis, quod Andreas dictus Orrus famulus ac procurator comitis Johannis filii Vyniani¹⁾ de Vinch inferiori ad nostram veniendo praesentiam vice et nomine eiusdem comitis Johannis [S. 115] sui domini nobis per modum protestationis significare curavit in nunc modum, quod in congregatione generali magnifici viri Nicolai Kunch vaivodae Transsiluani et comitis de Zonuk universitati nobilium et aliis cuiusvis status hominibus dictae partis Transsiluanae anno in praesenti videlicet feria quarta proxima ante festum Penthecostes¹⁾ in civitate Thorda celebrata conventionem, quam idem Johannes filius super facto possessionis Waradya vocatae in comitatu Albensi iuxta fluvium Morisii existentis in quingentis florenis sibi in duobus terminis persolvendis cum nobili viro Petro quondam vicevaivoda fecerat, non sua spontanea voluntate sed coactus metu mortis fecisset et invitus, quia ipse Petrus quondam vicevaivoda super ipsum Johannem homines suos misisset, ut si cum eo super facto possessionis Waradya convenire noluisset ipsum de praedicta congregatione domum redire non permisissent sed statim interfecissent indilate, et sic ipsam conventionem coactus fecisset et invitus, tandem primo termino solutionis occurrente, quo sibi idem Petrus quondam vicevaivoda dimidietatem summae pecuniae scilicet ducentos et quinquaginta florenos coram vicevaivoda per Paulum crispum famulum et procuratorem suum persolvi facere procurasset, idem Johannes dictus Vyviani²⁾ dictam quantitatem pecuniae recipere noluisset dicens, ut ipsam conventionem non sua voluntate, sed metu mortis fecisset et ob hoc recipere nollet suamque causam super facto dictae possessionis Waradya coram domino rege et regni baronibus intenderet prosequi, ipsum vero Paulum crispum et suum dominum Petrum quondam vicevaivodam ab occupatione ipsius possessionis Waradya prohibuisset, immo prohibuit coram nobis. Datum feria quarta proxima post festum beati regis Stephani, anno domini M^o CCC^o quinquagesimo quinto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 114, 1-2 auf S. 115.^{^}
[S. 114]
1) So Vorlage. ^{^}
[S. 115]
1) Mai 20.^{^}
2) Gebessert aus: Vyniani.^{^}