Urkunde Nr. 700 aus Band II

Seite im UB:

116-117

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) 683.

Druckvorlage:

nach Original

Abdruck als:

Volltext

Sprache:

Latein

---

700

1355 Dezember 2 Das Weissenburger Kapitel beglaubigt für Comes Michael von Kelling die Urkunde des Königs Ladislaus IV. von 1272 Nr. »164 mit der Urkunde des Königs Stephan von 1269 Nr. »127, betreffend Demeterpataka und Rohundorf.

Capitulum ecclesiae Transsiluanae omnibus Christi fidelibus praesentibus et futuris praesentem paginam inspecturis salutem in omnium salvatore. Ad universorum tam praesentium quam futurorum notitiam harum serie volumus pervenire, quod comes Stephanus filius Johannis de Olchuna ad nostram accedens praesentiam in persona comitis Mychaelis filii Danielis de Kelnek exhibuit nobis quasdam literas privilegiales quondam excellentissimi principis domini Ladizalai regis Hungariae felicis recordationis tenoris [S. 117] infra scripti, petens nos in persona eiusdem comitis Mychaelis humili cum instantia, ut quia idem comes Mychael ipsas literas privilegiales propter discrimina viarum et aemulorum¹⁾ suorum persecutiones²⁾ in processibus causarum suarum in specie penes se portare non auderet, easdem de verbo ad verbum transscribi facere et sub transscripti forma eidem comiti Mychaeli dare et concedere dignaremur. Quarum quidem literarum tenor talis est. (Folgt die Urkunde des Königs Ladislaus IV. von 1272 Nr. »164 mit der Urkunde des Königs Stephan von 1269 Nr. »127.) Nos enim petitionibus eiusdem comitis Stephani filii Johannis iustis et legitimis in persona dicti comitis Mychaelis nobis ut praemittitur porrectis inclinati praedictas literas privilegiales non rasas, non cancellatas nec in aliqua sui parte vitiatas, sed omni integritate pollentes de verbo ad verbum transscribi fecimus et sub transscripti forma eidem comiti Mychaeli duximus concedendas. Datum feria quarta proxima post festum beati Andreae apostoli, anno domini millesimo CCC^mo quinquagesimo quinto. Discretis viris Dominico praeposito, Mychaele cantore, Lorando custode, Nicolao archidiacono de Clus decano ecclesiae nostrae existentibus.


1) Vorlage: hemulorum.^{^}
2) Vorlage: persecutionibus.^{^}