Urkunde Nr. 701 aus Band II

Seite im UB:

117-118 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

701

Szentimre 1355 Dezember 10 Stephan, Vizewoiwode von Siebenbürgen, ersucht das Weissenburger Kapitel, bei der Einführung des Abtes von Kolozsmonostor, Briccius, in den Besitz von Apathy mitzuwirken.

Discretis viris et honestis capitulo ecclesiae Transsilvanae amicis suis carissimis Stephanus vicevaivoda³⁾ eiusdem partis Transsilvanae debitae amicitiae et honoris continuum incrementum. Dicitur nobis in persona domini Briccii abbatis ecclesiae beatae virginis de Colosmonostra, quod quaedam⁴⁾ particula⁴⁾ terrae ecclesiae suae praedictae Apathy vocatae a multis temporibus retroactis deserta exstitisset et nunc recaptivatione et reambulatione eiusdem plurimum indigeret. Quare vestram amicitiam praesentibus petimus diligenter, quatenus vestrum mittatis hominem pro testimonio fide dignum, quo praesente Ladislaus de Zwmordok vel Clemens de Mera aut Georgius de Nadas aliis absentibus homo noster ad faciem praedictae terrae Apathy vocatae accedendo vicinos et commetaneos eiusdem undique convocari faciendo recapiat eandem et reambulet per veras⁵⁾ suas metas et antiquas, ubi necesse fuerit novas iuxta veteres erigendo, et facta reambulatione ac metarum distinctione necnon ab aliorum possessionibus separatam et distinctam [S. 118] statuat eandem praedicto domino Briccio abbati et suae ecclesiae eo iure, quo ad ipsum dignoscitur pertinere, perpetuo possidendam, si non fuerit contradictum, contradictores vero si fuerint, citet eosdem adversus eundem dominum abbatem in nostram praesentiam ad octavas festi epiphaniarum domini proxime nunc venturas¹⁾ rationem contradictionis eorundem reddituros. Et post haec seriem totius facti praemissi, prout fuerit opportunum, in vestris literis ad praedictas octavas epiphaniarum domini¹⁾ nobis amicabiliter rescribatis. Datum in sancto Emerico, feria quinta proxima post octavas beati Andreae apostoli, anno domini millesimo trecentesimo quinquagesimo quinto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-5 auf S. 117 (1-2 zu voranstehender Urkunde), 1 auf S. 118 (2-5 zu nachfolgender Urkunde).^{^}
[S. 117]
3) Vorlage: vaivoda.^{^}
4) Vorlage: quandam particulam [2x].^{^}
5) Vorlage: veteres.^{^}
[S. 118]
1) 1356 Januar 13 [2x].^{^}