Urkunde Nr. 706 aus Band II

Seite im UB:

123-124

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) - Familienarchiv Zichy (Családi levéltárak, Zichy család, zsélyi)

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

706

Thorenburg 1356 November 10 Andreas, Woiwode von Siebenbürgen, bezeugt, dass Stephan und Andreas, Söhne Nikolaus' von Kelling, und Genossen an Comes Michael von Kleinenyed mehrere Liegenschaften in Petersdorf und Mühlbach abgetreten haben.

Nos Andreas vaivoda Transiluanus et comes de Zonuk memoriae commendantes tenore praesentium significamus quibus expedit universis, quod Stephanus et Andreas filii Nicolai filii Saloraonis de Kelnuk comitem Mychaelem de Enyed super portionem possessionariam quondam Nicolai filii Hennyng de Peturfolua in eadem Peturfolua habitam in comitatu Albensi existenti ac rectae dimidietatis omnium vinearum eiusdem Nicolai necnon uno fundo curiae in civitate Sebus habitae, tertiae partis etiam trium molendinorum in eadem Peturfolua ad praesentiam Dominici vicevaivodae nostri in causam attraxerint et diutius invicem altercando, ipsa etiam causa propter sui arduitatem ac propter paucitatem nobilium, sicut in literis dicti Dominici vicevaivodae continebatur, ad octavas festi beati Jacobi apostoli nunc praeteriti¹⁾ dilative protelata et ad nostram praesentiam deducta exstitisset, ut ambae partes cum earum²⁾ instrumentis super possessionariis iuribus et aliis ut praemittitur in nostri praesentiam adhaererent, quibus visis iudicium et iustitiam aequitati congruum facere debuissemus. Tandem ipsis octavis occurrentibus¹⁾ praedicti Stephanus et Andreas personaliter, pro praedicto comite Mychaele Symon famulus suus cum literis nostris procuratoriis coram nobis personaliter constitutis, et licet ambae partes earum²⁾ instrumenta in nostri praesentia exhibere prompti erant et parati, sed ut ne per vehementiam ordinem iudiciariam servasse videamur, licet haec super abundanti, eandem causam in statu priori permanente propter maiorem rei evidentiam ad diem congregationis nostrae³⁾ deliberationi nobilium partis Transsiluanae distulissemus. Quo quidem die congregationis nostrae occurrente³⁾ praelibati Stephanus et Andreas filii Nicolai filii Salomonis propriis eorum in personis, Salomone vero, Mychaele et Nicolao filiis dicti Nicolai filii Salomonis fratribus eorum uterinis omne onus et gravamen ad infra denotanda negotia ad se assumendo ab una, dicto autem Mychaele de Enyed propria sua in persona parte ab altera coram nobis personaliter constitutis, propositum exstitit per eosdem communiter et relatum ministerio vivae vocis, quod ipsi propter bonum pacis, unionem et proximitatis dilectionem per compositionem proborum virorum pacem partium zelatorum, ut a modo et inceps omnis dissensionis⁴⁾ et dissidii fomes de medio ipsorum radicitus⁵⁾ exstirpetur et ad pulchritudinem [S. 124] pacis mutuo se in invicem valeant amplexari, in talem plenae pacis et concordiae favorabilem unionem devenissent super praemissis iuribus prius obtenta per nos licentia, devenerunt coram nobis, quod praelibatam portionem possessionariam quondam Nicolai filii Hennyng de Peturfolua in eadem Peturfolua habitam sub antiquis et veris metis et rectam dimidietatem omnium vinearum eiusdem Nicolai in eadem Peturfolua intra metas eiusdem existentium, item tertiam partem trium molendinorum in eadem Peturfolua currentium, unum fundum curiae praedicti Nicolai de Peturfolua in civitate Sebus habitum eum omnibus suis utilitatibus et pertinentiis universis iuxta continentiam literarum Stephani quondam vaivodae Transiluani fratris et praedecessoris nostri laudandae memoriae privilegialium praedicto comiti Mychaeli de Enyed et per eum suis heredibus heredumque suorum successoribus iure perpetuo commiserunt coram nobis possidere, universas etiam eorum literas inquisitionales, protestationales, prohibitionales ac quovis modo contra dictum Mychaelem per ipsos ac per eundem Mychaelem usque modo contra eosdem emanatas cassas, vanas cariturasque viribus et vigore commisissent et commiserunt coram nobis, ut ubicumque exhiberentur pro nihilo habeantur tali vinculo interserto, quod si qua partium in praemissa compositione et ordinatione ac eorum heredes resilire non curarent ac aliquam litis materiam suscitare niterentur, in poena calumniae convincerentur eo facto hoc non postposito, quod eundem comitem Mychaelem in praefatis possessionariis iuribus et successores eiusdem dicti Stephanus et Andreas cum praedictis fratribus eorum pacifice conservare tenerentur et ab omnibus in lite vel extra litem ipsum comitem Mychaelem ratione iurium omnium praemissorum infestare volentibus propriis eorum laboribus et expensis expedire teneantur, prout dicti Stephanus et Andreas se ac fratres eorum praenotatos ad haec sponte obligarunt coram nobis. In cuius rei memoriam perpetuamque stabilitatem praesentes literas eidem comiti Mychaeli concessimus pendentis sigilli nostri munimine roboratas. Datum Tordae, tertio die octavarum festi omnium sanctorum, anno domini M^mo C^o C^o C^o quinquagesimo sexto.


1) August 1 [2x]. ^{^}
2) Vorlage: eorum [2x]. ^{^}
3) November 8 [2x]. ^{^}
4) Vorlage: dissensiones.^{^}
5) Vorlage: radicius.^{^}