Urkunde Nr. 707 aus Band II

Seite im UB:

124-125

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach Original

Abdruck als:

Volltext

Sprache:

Latein

---

707

Thorenburg 1356 November 19 Andreas, Woiwode von Siebenbürgen, erlässt eine Verordnung zu Gunsten der Rechte der Jobagionen des Abtes von Kolozsmonostor.

Nos Andreas vaivoda Transsiluanus et comes de Zonuk memoriae commendamus, quod religiosus vir frater Ladizlaus abbas ecclesiae beatae virginis de Clusmonustra accedens ad nostram praesentiam exhibuit nobis quasdam literas serenissimi principis domini Lodouici dei gratia regis Hungariae domini nostri patentes super libertate universorum iobagionum seu hospitum ecclesiae de dicta Clusmonustra, in quibus vidimus contineri mani- [S. 125] feste, quod eadem villa de Clusmonustra quoad situationem et fundationem antiquior de civitate Cluswar fore dignosceretur et a tempore fundationis¹⁾ Cluswar usque modo sine intermissione libertatem universi populi de Clusmonustra cum universis civibus seu hospitibus de dicta civitate Cluswar tenuissent et reservassent et quod omnes causas emersas et emergentes infra metas et terminos memoratae ecclesiae beatae virginis de Clusmonustra officialis sive iudex domini abbatis iudicasset et quod iudex provincialis nihil de populis ecclesiae beatae virginis de Clusmonustra iudicare habuisset, cum ipsi populi dictae ecclesiae²⁾ similem libertatem cum hospitibus de Cluswar semper habuissent, petendo nos cum instantia, ut ipsos iobagiones ecclesiae praememoratae in libertate civitatis Cluswar conservare dignaremur. Itaque nos petitionibus dicti religiosi viri fratris Ladizlai favorabiliter acquiescentes universos suos iobagiones et hospites ac ad dictam ecclesiam beatae virginis de Clusmonustra pertinentes²⁾ in praemissa libertate commisimus permanere secundum continentiam literarum domini regis praedictarum vobisque universis comitibus, castellanis, officialibus suis ac vicevaivodae suo in partibus Transsiluanis nunc constitutis et in futurum per nos constituendis ceterisque nobilibus et civitatum rectoribus, quibus praesentes ostenduntur, praesentibus mandamus nihilominus firmissimis damus in praeceptis, quatenus iobagiones domini abbatis de Clusmonustra in quibuslibet causis et causarum articulis contra quoslibet iudicare seu vestro astare iudicio compellere contra libertatem per dominum nostrum regem ipsis concessam non praesumatis, sed ad praesentiam iudicis abbatis peremptorie transmittatis terminandam. Datum Tordae, in festo beatae Elyzabeth, anno domini M^mo CCC^mo L^mo sexto.


1) Hierauf durchgestrichen: de.^{^}
2) Fehlt in der Vorlage.^{^}