Urkunde Nr. 714 aus Band II

Seite im UB:

133-134

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Original

Abdruck als:

Volltext

Sprache:

Latein

---

714

1357 Januar 27 Das Weissenburger Kapitel bezeugt, dass Michael Kugh, Sohn Nikolaus Kugt's, und Genossen an Nikolaus von Durles, Sohn des Bans Simon, ihren Anteil an der Besitzung Abosfalva verkauft haben.

Capitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod nobilibus viris Mychaele dicto Kugh filio Nicolai similiter Kugh dicti, Johanne filio eiusdem pro se ac Georgio et Nicolao filiis eiusdem Mychaelis, item Gregorio et Johanne filiis Poch filii Gregori ab una, parte ab alia vero Stephano filio Thomae in persona nobilis viri magistri Nicolai filii Symonis bani de Darlaz cum legitimis literis procuratoriis coram nobis personaliter constitutis confessum exstitit per eosdem Mychaelem dictum Kugh et Johannem filium eiusdem, Gregorium et Johannem filios Poch pariter et relatum, quod ipsi totalem portionem ipsorum possessionariam in possessione Obusfolua alio nomine Beznik vocata in comitatu de Kukulleu minori existenti habitam, quam portionem possessionariam prius mediantibus literis nostris patentibus magistro Nicolao filio Symonis bani pignori obligaverant, cum omnibus suis utilitatibus videlicet terris arabilibus, silvis, pratis, fenetis, nemoribus, aquis et aliis quibuslibet pertinentiis ad ipsam [S. 134] spectantibus eidem magistro Nicolao filio Symonis bani et per eum suis heredibus heredumque suorum successoribus pro triginta duabus marcis argenti plene solutis et receptis ab eodem vendidissent et tradidissent, ac vendiderunt et tradiderunt coram nobis perpetuo et irrevocabiliter possidendam, tenendam pariter et habendam, totum ius et dominium proprietarium praefatae portionis possessionariae in ipsum magistrum Nicolaum filium Symonis bani ac suos successores plene et integre tamquam veros dominos et legitimos possessores transferendo nil iuris sibi et suis posteritatibus in eadem reservando, assumentes et obligantes se ac suos posteros praenominati Mychael et Johannes filius suus ac Gregorius et Johannes filii Poch ipsum magistrum Nicolaum cum suis successoribus praetextu memoratae portionis possessionariae per ipsos vendita ab omnibus molestare et aggravare volentibus propriis ipsorum laboribus et expensis per omnia expedire ac in pacifica possessione conservare. Si autem praefatum magistrum Nicolaum et suos posteros in dominio praetactae portionis possessionariae conservare non possent, ex tunc in alia possessione eorum Boltha nuncupata aequipollentem et aequivalentem memoratae portioni venditae dare et assignare tenebuntur, prout ad hoc se spontanea obligarunt voluntate coram nobis. In cuius rei memoriam perpetuamque firmitatem praesentes concessimus pendentis sigilli nostri munimine roboratas. Datum feria sexta proxima post festum conversionis beati Pauli apostoli, anno domini M^o C^o C^o C^oa) quinquagesimo septimo. Discretis viris Dominico praeposito et electo, Lorando custode, Mychaele cantore ac Nicolao archidiacono de Clus decano ecclesiae nostrae praedictae existentibus.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^{^}