Urkunde Nr. 717 aus Band II

Seite im UB:

135-136 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

717

Wissegrad 1357 März 28 König Ludwig I. beauftragt das Weissenburger Kapitel, bei der Einführung des Magisters Nikolaus, Sohn Sandur's, in den Besitz von Konradsdorf, Kövesd, Bürgeseh, Wallachischeibesdorf, Schlatt, Magarei, Fetendorf und Emrustuh mitzuwirken. [S. 136]

Lodouicus dei gratia rex Hungariae fidelibus suis capitulo ecclesiae Albensis Transiluanae salutem et gratiam. Noveritis, quod magister Nicolaus filius Sandur miles fidelis noster ad nostrae maiestatis accedendo praesentiam suas fidelitates et servitiorum suorum laude digna merita nobis exhibitas et impensa proponens et declarans ac in memoriam nostrae reducens maiestatis quasdam possessiones et possessionarias portiones quondam Werus et Stephani filiorum Stephani dicti de Olchona hominum, sicut dicitur, sine herede decedentium videlicet Corlathteluke, Kuesd, Byrges, Iwanfalua, Salatna, Magare, Fetundorph et Emrustuh vocatas in partibus Transiluanis existentes, praetactos scilicet Werus et Stephanum filios Stephani sine herede decedentes tangentes, manibus nostris regiis, ut praefertur, omni iuris titulo devolutas sibi dari et conferri perpetuo postulavit. Verum quia de qualitate et quantitate dictarum possessionum et utrum modo praemisso nostrae de iure pertineant collationi necne, nobis veritas non constat, ideo fidelitati vestrae firmiter praecipiendo mandamus, quatenus vestrum mittatis hominem pro testimonio fide dignum, quo praesente Akus de Hydegviz vel Jacobus filius Michaelis de Almas aut Michael filius Hennyng de Segusvar aliis absentibus homo noster praesentibus vicinis et commetaneis dictarum possessionum et ipsis legitime convocatis ad faciem earundem accedendo ipsasque per veras et antiquas metas reambulando ac novas metas iuxta veteres in locis necessariis erigendo, si easdem modo praemisso nostrae collationi invenerit pertinentes, statuat magistro Nicolao praenotato titulo nostrae collationis perpetuo possidendas, si non fuerit contradictum, contradictoribus autem, si qui fuerint, contra eundem in vaivodae Transiluani¹⁾ praesentiam ad terminum competentem legitime evocatis, et post haec seriem ipsius statutionis cum cursibus metarum nobis vel nomina citatorum et terminum assignatum eidem vaivodae fideliter rescribatis. Datum in Wyssegrad, feria tertia proxima post dominicam Judica, anno domini M^o CCC^o L^ob) septimo.

Auf der Rückseite Adresse: Fidelibus suis capitulo ecclesiae Albensis Transiluanae pro magistro Nicolao filio Sandur statutoria.


a) Seitenumbruch nach Kopfregest.^{^}
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier nach dem Zahlzeichen, letztes nichthoch ohne Abkürzungssstrich.^{^}

1) Über der Zeile nachgetragen.^{^}