Urkunde Nr. 721 aus Band II

Seite im UB:

138-139

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

721

Wissegrad 1357 Mai 17 König Ludwig I. beauftragt das Grosswardeiner Kapitel, bei der Einführung des Bischofs Dominik in die dem siebenbürgischen Bistum gehörigen Besitzungen, einschliesslich der Burg Zenthmyhalkeve, mitzuwirken.

[S. 139] Lodouicus dei gratia rex Hungariae fidelibus suis capitulo Waradyensi salutem et gratiam. Dicit nobis venerabilis in Christo pater Dominicus episcopus ecclesiae Transiluanae, quod cum quondam venerabilis pater dominus Andreas episcopus praedecessor suus ab hac luce decessisset possessionesque eiusdem ecclesiae tamquam pastore carentis ad nostras manus pro futuro pastore applicari fecissemus conservandas et protegendas, tandem magnificus vir Andreas vaivoda Transiluanus hominibus universis, qui in sua congregatione in dicta terra Transiluana celebrata sibi in factis possessionum ipsius ecclesiae conquesti exstitissent, eisdem plurimas possessiones ex possessionibus eiusdem ecclesiae, in quarum dominio praedictus dominus Andreas episcopus usque vitam suam pacifice perstitisset, eisdem statui fecisset, immo castrum eiusdem ecclesiae Zenthmyhalkeve vocatum idem Andreas vaivoda pro se ipso occupasset in grande praeiudicium ipsius ecclesiae praenotatae. Unde cum nos universas possessiones et iura quaelibet praedictae ecclesiae sub eodem statu, in quo eaedem praedicto domino Andrea episcopo decesso nobis et protectioni nostrae fuerant applicatae, nunc eidem domino Dominico episcopo plenarie restitui facere velimus, ideo fidelitati vestrae edicto regio praecipientes mandamus, quatenus vestrum mittatis hominem pro testimonio fide dignum, quo praesente Petrus de Machedonia aulae nostrae miles, vel Andreas filius Nicolai, aut Jacobus de Brassov aliis absentibus homo noster universas possessiones et iura quaelibet praedictae ecclesiae, in quorum dominio idem dominus Andreas episcopus usque vitam suam exstitit ac quae ipso decesso protectioni nostrae existunt applicatae, non obstante si qui forsitan medio tempore aliquas ex praedictis possessionibus pro se ipsis occupare vel qualicumque modo rehabere procurassent, a quibus easdem auferre praesentium serie committimus, statuat et applicet et assignet manibus domini episcopi praenotati simul cum castro ante dicto contradictione quorumlibet non obstante. Et tandem si qui quidquam iuris in eisdem possessionibus se habere sperarent, ab eodem domino episcopo legitime requirant et consequantur iure exposcente. Et post haec seriem praemissorum, prout fuerit opportunum, nobis fideliter rescribatis. Datum in Wyssegrad, in vigilia festi ascensionis domini, anno eiusdem M^o. CCC^mo.^a) quinquagesimo septimo.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^{^}