Urkunde Nr. 725 aus Band II

Seite im UB:

143 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

725

Wissegrad 1357 August 1 Andreas, Woiwode von Siebenbürgen untersagt dem Vizewoiwoden Dominik und Genossen die Ausübung der Gerichtsbarkeit über Jobagionen des Weissenburger Kapitels.

Andreas vaivoda Transiluanus et comes de Zonuk sincere sibi dilectis Dominico vicevaivodae, comitibus, vicecomitibus, castellanis et aliis officialibus ac famulis suis in dictis partibus Transiluanis constitutis et existentibus dilectionem cum salute. Dicit nobis magister Ladislaus canonicus ecclesiae beati⁴⁾ Michaelis archangeli Transiluanae et archidiaconus de Tylegd in persona honorabilis capituli ecclesiae praenotatae, quod vos iobagiones memorati honorabilis capituli contra libertatem dictae ecclesiae et per consequens ipsius capituli privilegiatam iudicaretis vestro iudicatui astare compellentes, iniurias, damna et perturbationes non modicas eisdem inferendo, per quod factum, ut possessiones eiusdem ecclesiae in nimias evenirent desolationes. Quare vestrae dilectioni firmis damus in praeceptis, quatenus praescriptos iobagiones praetacti capituli iudicare vel vestro astare iudicio compellere, prout etiam aliis literis nostris mediantibus semel et secundo vobis dimissis dedimus in mandatis, nullo modo audentes de iniuriis, damnis et perturbationibus praelibatis iobagionibus ipsius capituli ut dicitur factis et illatis eisdem omnimodam satisfactionem impendatis, immo eosdem a modo et deinceps in ipsorum libertatibus et iuribus conservetis et aliud, sicut nostram indignationem incurrere pertimescitis, non facturi. Datum in Wyssegrad, in festo ad vincula beati Petri apostoli, anno domini M^mo CCC^mob) quinquagesimo septimo. [S. 144]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 4 auf S. 143 (1-3 zu voranstehender Urkunde).^{^}
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets nach den Zahlzeichen.^{^}

4) Über der Zeile nachgetragen. ^{^}