Urkunde Nr. 727 aus Band II

Seite im UB:

144-145

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 493 - Abt. 13: K. A. Heltau [Parohia Ev. CA Cisnadie], Nr. 4.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

727

1357 August 20 Der Stuhl Hermannstadt bezeugt, dass die Gemeinden Heltau und Michelsberg hinsichtlich des den Heltauern an mehreren Liegenschaften zustehenden Eigentumsrechtes, beziehungsweise hinsichtlich der seitens der Michelsberger für einige dieser Liegenschaften zu leistenden Abgaben einen Vergleich geschlossen haben.

Nos Martinus, Conradus comites de Cibinio, Stephanus de Schellemberg, comes Michael de Tolmach, comes de Burperg, Johannes Schebeniczer, Gerlacus villicus burgenses de Cibinio, Johannes Locz de Stolczemberg ceterique provinciales de sede Cibiniensi. Praesentis tenore notum fieri volumus tam praesentibus quam futuris, quod omnis dissensionis modus, quae inter plebes de Helta ex una parte et ex altera parte inter populos de monte [S. 145] Michaelis super quibusdam territoriis vertebatur, compositio amicabilis interveniens in hunc modum, quod communitas de monte Michaelis dare debent unam marcam antiquorum banalium de Slofenberg plebi de Helta singulis annis iure perpetuali. Insuper hereditates et curiae octo, quae in circumferentiis ipsius castri sunt situatae, servire tenentur in Heltam ita, quod quaelibet curia solvere tenetur unum lotonem novorum denariorum. Iterum deductum est, quod quicumque possidet pomerium in Hasulgasse, quod singulis annis solvere tenetur populis de Helta quatuor libras cerae. Hinc est quod etiam constare volumus et approbamus, quod nemus ibidem circumiacens in Heltam exspectare dignoscitur, quod in usum ipsorum vertere possunt quandocumque ipsis videbitur expedire, et si plebes de Helta dictum nemus absecabunt, ex tunc omnia pascua in circumferentiis iacentia in usum utrarumque villarum pertinere dignoscuntur et rubetum quod a sinistris adiacet uti et gaudere debent ambae villae ut quemadmodum usi fuerunt ab antiquo. Huius compositionis testes sunt comes Petrus de Helta et villicus Johannes Twrek, Petrus Judeus, Bolel filius Michaelis, Hendrich, Nicolaus Lankman et Mathias filius Pellifex. Ad cuius rei notitiam hanc epistolam conscribi fecimus et nostri sigilli provincialium robore insigniri. Datum anno domini M^o CCC^o LVII^oa), in die¹⁾ sancti Stephani regis. Haec omnia acta sunt cum consensu domini abbatis de Candelis, quod ad Heltam mons Michaelis dignoscitur pertinere, et quicumque haec statuta infregerint²⁾ in XL marcis argenti provincialibus permanebunt obligati.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets nach den Zahlzeichen.^{^}

1) Fehlt in der Vorlage.^{^}
2) Vorlage: infringerint.^{^}