Urkunde Nr. 71 aus Band I

Seite im UB:

61-62

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Vat. (Registra Vaticana) Nr. 18, fol. 81 verso - 82 recto.

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

71

Viterbo [1235] November 8 Papst Gregor IX. beauftragt den Bischof der Kumanen, den zwischen dem siebenbürgischen Bischof und der Burzenländer Geistlichkeit schwebenden Prozess an den päpstlichen Stuhl zu leiten.

[S. 62] Gregorius episcopus venerabili fratri . . episcopo Cumanorum salutem..............................Coram venerabili fratre nostro . . ¹⁾ episcopo Prenestrino, dum in partibus Ungariae legationis officio fungeretur, venerabili fratre nostro . . ²⁾ Ultrasilvano episcopo contra . . decanum et sacerdotes de terra Burze deponente super obedientia et reverentia quaestionem, ad quas sibi praestandas eos condemnari petebat petitorium ³⁾ intentando, ac lite super hiis coram eo legitime contestata et receptis testibus hinc inde productis, idem legatus antequam imponeret finem negotio, ad sedem apostolicam est reversus. Procuratoribus igitur partium propter hoc in nostra praesentia constitutis, eundem Prenestrinum dedimus auditorem, qui partium rationibus intellectis et auditis quaecumque voluere proponere coram ipso, praedictos sacerdotes eidem episcopo ad petita per diffinitivam sententiam condemnavit, praefatum decanum, quia nihil probatum exstitit contra eum, ab impetitione ipsius episcopi absolvendo. Tandem vero J. archidiacono de Tilecde ⁴⁾ procuratore dicti episcopi super executione praefatae sententiae literas apostolicas impetrante, dilectus filius Richwinus ecclesiae Romanae syndicus in audientia publica contradixit, quibus dilectum fratrem nostrum O. sancti Nicolai in carcere Tulliano diaconum cardinalem auditorem duximus concedendum, coram quo iam dicto archidiacono petente executioni mandare sententiam supradictam, et eodem syndico respondente executionem huiusmodi fieri non debere, cum id in Romanae ecclesiae praeiudicium redundaret, quae in praemissorum vel quasi possessione consistit, prout se obtulit probaturum, quae omnia idem cardinalis nobis fideliter retulit et prudenter. Quia super hoc apud sedem apostolicam non poterat fieri certitudo, fraternitati tuae per apostolica scripta mandamus, quatenus per controversia et receptis probationibus, quas coram te producere partes voluerint tam super principali quam super reprobatione testium, si quos alterutra partium legitime duxerit reprobandos et auditis hinc inde propositis, causam sufficienter instructam ad apostolicum remittas examen, praefigens eisdem partibus terminum peremptorium, festum videlicet beati Michaelis proximo venturum, quo per se vel procuratores idoneos cum munimentis et rationibus suis compareant coram nobis iustam auctore domino sententiam recepturae. Datum Viterbii, VI. Idus Novembris, anno nono.


1) Jacobus.^{^}
2) Raynaldus.^{^}
3) Vorlage: possessorium.^{^}
4) So Teutsch und Firnhaber nach einer Kopie in der Battyán'schen Bibliothek in Karlsburg. Vorlage: Tilerde.^{^}