Urkunde Nr. 751 aus Band II

Seite im UB:

166-168 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

751

Hermannstadt 1359 Juni 21 Dominik, Zipser Propst, und Genosse sprechen einen zwischen den Gemeinden Baassen und Wölz strittigen Wald der Gemeinde Baassen zu.

Nos Dominicus praepositus Scepusiensis capellanus serenissimi principis et domini, domini Ludouici regis Hungariae specialis¹⁾ et Petrus filius Stephani de Darw comes²⁾ regalium et miles aulae reginalis,³⁾ memoriae commendamus significantes praesentium inspecturis⁴⁾ universis, quod dum in civitate Megyes fuissemus⁵⁾ et communitas Saxonum ad eandem Meggyes pertinentium, advenissent discretus vir dominus Nicolaus plebanus et Joannes villicus de Bozna suo ac universitatis Saxonum nominibus de eadem inter alios nostram accedentes praesentiam contra universitatem Saxonum Veolcz proposuerat querulose, quod praefati Saxones de ipsa Veolcz quandam particulam silvae ipsorum in metis et terminis dictae villae Bozna in vicinitate et contigua commetaneitate possessionum Bayom castri Kwkeolleo et Ekemezeo domini praepositi Cibiniensis a parte meridionali et occidentali adiacentem contra ipsorum prohibitionem legitimam succidissent et succiderent incessanter in ipsorum praeiudicium et gravamen, quam particulam silvae ab eisdem Saxonibus de Veolcz in sede Cibiniensi iuridice obtinuissent et super haec literas eiusdem sedis se habere affirmarunt. Quibus auditis eisdem literis cum omnibus instrumentis, si quae ⁶⁾ super ipsa silva haberent, coram nobis exhibendis ⁷⁾ feriam quartam proximam praeteritam ⁸⁾ in congregationem [S. 167] nostram generalem in Cibinio praedicto¹⁾ celebrandam legitime assignaveramus. Qua quidem feria quarta²⁾ adveniente nobis iudicium praesidem³⁾ in Cibinio supra dictus Nicolaus plebanus et Joannes villicus sibi suis et dictorum Saxonum nominibus de Bozna ab una ac Saxones de Veolcz praedicta parte ab altera coram nobis comparuerunt et idem Nicolaus plebanus, Joannes villicus⁴⁾ actionem ipsorum prius modo praedicto propositam contra Saxones de dicta Veolcz de medio proponentes literas dictorum comprovincialium sedis Cibiniensis exhibuerunt, in quibus vidimus contineri, quod comprovinciales sedis Meggyes causam inter Saxones ante dictae villae inter easdem non valentes terminare eandem causam in praesentia comprovincialium sedis Cibiniensis praedictae transmisissent, tandem eandem causam omnibus comprovincialibus in termino ad hoc designato Saxones easdem duas villas ratione ipsius particulae silvae litigiosae iurato arbitrio⁵⁾ vicecomitis Stephani de villa Eczlen, Petri de Bwtel, Sichmak de villa Eythkmyn, Joannis antiqui villici de villa Eczlen submisissent eo modo, ut si praedicti arbitri in ipso termino in facie ipsius particulae silvae iurarent coram praesentia eorundem⁶⁾ comprovincialium sedis Cibiniensis tunc ipsam particulam silvae litigiosae praedictis Saxonibus de Veolcz relinquere deberent sin autem tunc ipsis Saxonibus de Bozna deberent remanere, et cum praedicti comprovinciales sedis Cibiniensis ad terminum⁷⁾ praedictum ad hoc suum hominem distinassent, idem homo tandem ipsorum ad eosdem rediens ipsis retulisset viva voce, quod in ipso termino iidem Saxones seu arbitri iurare noluissent, sed ipsam silvam vi et manu valida ab eisdem de Bozna contra ipsorum prohibitionem recepissent et Saxonibus de Weolcz praedictis ad secandam concredidissent,⁸⁾ ulla agnitione iuris praecedente, verum quia homo eorundem⁶⁾ provincialium sedis Czybiniensis ipsis retulisset, quod iidem seniores sive arbitri haec quod aliqua pars silvae ad universitatem de dicta Weolcz aliquo iure dignosceretur pertinere, iuramento ipsorum noluissent firmare, ideo comprovinciales sedis Czybiniensis saepe dicti maturo consilio et bona deliberatione praedictam silvam litigiosam plebeis⁹⁾ seu Saxonibus de dicta Bozna adiudicassent perpetuo possidendam superinde Saxonibus de Weolcz eiusdem silvae litigiosae in perpetuo perpetuum silentium imponendo.¹⁰⁾ Nos¹¹⁾ igitur una cum senioribus Saxonum de ipsa sede Cybiniensi et aliis hominibus nobiscum iudicio¹²⁾ residentibus auditis propositionibus praedictis et universis continentiis literarum adiudicatoriarum communicato consilio prae- [S. 168] dictorum nobiscum assidentium praescriptam particulam silvae¹⁾ litigiosam tum pro eo, quia villa Bozna metaliter est alligata villa Veolcz distincto, tum etiam propter adiudicationem factam per provinciales sedis Cybiniensis praedictae eisdem Saxonibus de Bozna commisimus possidendam secundum adiudicationem comprovincialium sedis Cybiniensis ante dictae. In quorum omnium testimonium literas nostras patentes concessimus munimine sigillorum nostrorum consignatas. Datum in Cybinio, feria sexta proxima post festum corporis Christi, anno eiusdem millesimo trecentesimo quinquagesimo nono.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-8 auf S. 166, 1-12 auf S. 167, 1 auf S. 168 (2 zu nachfolgender Urkunde).^{^}
[S. 166]
1) Vorlage: spiritualis.^{^}
2) Hierauf leerer Raum, 2.1 Centimeter breit. ^{^}
3) Hierauf leerer Raum eine Zeile, 17.2 Centimeter breit. ^{^}
4) Vorlage: inspectoribus. ^{^}
5) Vorlage: fuissent.^{^}
6) Vorlage: quam.^{^}
7) Vorlage: exhiben [Strich über Wortende].^{^}
8) Vorlage: feria 4. proxima praeterita, Juni 19.^{^}
[S. 167]
1) Vorlage: praedictae.^{^}
2) Juni 19. ^{^}
3) Vorlage: iudum praesiden [Striche im ersten Wort über du, im zweiten Wort über en.^{^}
4) Blatt 1'. ^{^}
5) Hierauf leerer Raum, 5.9 Centimeter breit. ^{^}
6) Vorlage: eiusdem [2x].^{^}
7) Von terminum an ein andrer Schreiber bis einschliesslich imponendo.^{^}
8) Vorlage: concrededissent.^{^}
9) Vorlage: plebei.^{^}
10) Blatt 2. ^{^}
11) Von Nos an wieder der erste Schreiber.^{^}
12) Vorlage: iudio [Strich über di].^{^}
[S. 168]
1) Vorlage: silvam.^{^}