Urkunde Nr. 753 aus Band II

Seite im UB:

169

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Kemeny [Fond Familial Kemeny (din Ciumbrud)] (Inventar 23).

Druckvorlage:

nach Original

Abdruck als:

Volltext

Sprache:

Latein

---

753

1359 September 17 Das Weissenburger Kapitel schaltet die Urkunde des Königs Ludwig I. von 1359 Nr. »752 ein und berichtet dem König, dass die Szekler von Sepsi die Rückstellung der Besitzungen Fürstenburg, Sombor, Arapataka und Grebench und die Verantwortung vor dem Könige verweigert haben.

Excellentissimo principi domino, domino Lodouico dei gratia regi Hungariae domino eorum naturali capitulum ecclesiae Transsiluanae orationes in domino pro ipsius vita pariter et salute. Vestra sublimitas literis suis exhibitoriis mediantibus nobis directis per nosque honore quo decuit receptis dedit in mandatis, ut nos hominem nostrum pro testimonio fide dignum mitteremus, coram quo Paulus Paruus de Feyeryghaz homo vester alias literas vestras tenoris infra scripti cum praedictis literis vestris nobis exhibendas universis Siculis de Sebusy pro Jacobo Petenye et Donch filiis Mykou necnon Demetrio et Blasio filiis Nicolai ac Ladislao filio Dominici et Johanne filio Stephani nobilibus de Hyduegh directas exhiberet et quidquid iidem Siculi visis ipsis literis vestris facerent vel responderent vestrae serenitati fideliter rescriberemus. Tenor vero praedictarum aliarum literarum vestrarum per omnia talis est. (Folgt die Urkunde des Königs Ludwig I. von 1359 Nr. »752.) Nos enim mandatis vestris obtemperare cupientes ut tenemur cum praedicto Paulo de Feyeryghaz nomine vestrae serenitatis in eisdem literis vestris exhibitoriis nominatim expresso nostrum hominem videlicet Nicolaum sacerdotem capellanum discreti viri magistri Ladislai archidiaconi de Tylegd ac decani socii et concanonici nostri pro testimonio fide dignum ad praemissa peragenda duximus transmittendum. Qui quidem homo vestrae sublimitatis et noster tandem exinde ad nos reversi per nosque requisiti nobis concorditer retulerunt, quod ipsi praedictas literas vestras cum ipsis literis vestris exhibitoriis nobis exhibitas memoratis Siculis de Sebusy exhibuissent iidemque Siculi visis eisdem literis taliter respondissent, quod praefatas possessiones Hydwegh, Sombor, Aruapataka et Gerebench eisdem nobilibus de Hyduegh nullo modo remitterent nec unum iuger terrae de eisdem vellent resignare neque praedictos Blasium, Franciscum, Johannem et Jacobum in vestrae maiestatis praesentiam super factis praemissis contra praedictos nobiles de Hyduegh ire permitterent, sed eosdem ab omnibus propriis eorum personis et rebus defenderent et expedirent. Datum tertio die octavarum festi nativitatis virginis gloriosae, anno praenotato. [S. 170]

Auf der Rückseite: Domino regi, pro Jacobo filio Myko nobili de Hyduegh ceterisque nobilibus de eadem intra nominatis super exhibitione quarundam literarum vestrarum universis Siculis de Sebusy facta relatoria.