Urkunde Nr. 74 aus Band I

Seite im UB:

65-66

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

74

Insel Erch 1263 ^a) König Bela IV. bestimmt Rechte und Pflichten der Deutschen von [Desch / ] Deés.

Bela dei gratia Hungariae, Dalmaciae, Croaciae, Ramae, Seruiae, Lodomeriae, Bulgariae Cumaniaeque rex omnibus Christi fidelibus praesens scriptum inspecturis salutem in omnium salvatore. Ad universorum notitiam harum serie volumus pervenire, quod accedentes ad nostram praesentiam villicus et hospites nostri de Deeswar, humili prece a nobis postularunt, ut libertatem eorum ab Andrea carissimo patre nostro felicis recordationis eisdem concessam nostro dignaremur privilegio confirmare. Quam ob rem proprium est regiae maiestati condescendere precibus subditorum, ut numerus augeatur populorum et per hoc regia potentia latius extendatur, ob hoc precibus condescendentes eorum hanc libertatem inviolabilem decrevimus eisdem condonare, ut a iudicio et iurisdictione comitum de Zounuk pro [S. 66] tempore constitutorum et iobagionum castri penitus sint exempti, nec in eadem villa descensum habere valeant vel possint, sed in castro videlicet in loco castrensi descendant et commorentur, omnia siquidem iudicia in eadem villa exorta et causas usque metas terrae eorum actas [et] habitas, ut latrocinia, furta, homieidia, truncationes corporum et alia iudicia in quibus bella, ampu[tationes ca]pitum et truncationes manuum accidentaliter oriuntur ac omnia iudicia minuta villicus ipsorum et iudic[es possint] et debeant determinabiliter iudicare in ipsa libertate qua hospites nostri de Zoloch et de Zathmar. Praeterea in officiis nostris comitibus camerae nostrae concessis ad usum servitii nobis exhibendi, iidem hospites nostri tot et tantos sales deferre, quot et quantos hospites de Deesakana deferunt liberam habeant facultatem ex potentia comitum c[amerae] nostrae ante dictorum, habita nostra auctoritate, hoc adiecto quod tertiam partem salium nostrorum in portu Regio iux[ta] fluvium Zomus descendentium per eundem fluvium deferre teneantur nec hoc praetermittentes, quod in prima via vernali, primo et principaliter in uno kurb vulgariter vocato, sales nostros deferant navibus suis cumulatis in aqua praenotata, adiicimus etiam quod de tributo vaivodatus comitatus de Zounuk ac comitum camerae nostrae praenotatae tam in terra quam in aqua medium tributum dare teneantur et ministrare, ita scilicet, prout haec omnia in literis Andreae patris nostri carissimi bonae memoriae vidimus plene et plenius contineri. Ut igitur ipsa libertas eisdem hospitibus nostris data et condonata temporis processu¹⁾ maneat inconcussa nec per quempiam poss[it] violari, praesentes duplicis sigilli nostri munimine voluimus confirmare. Datum per manus Smaragdi praepositi Albensis ecclesiae dilecti et fidelis, nostrae aulae vicecancellarii, anno ab incarnationis domini nostri Jhesu Christi millesimo ducentesimo tricesimo sexto, in insula Erch.


a) Dinca - Kovács, Ergänzungen 134 statt: 1236.^{^}

1) Hierauf: no [mit Abkürzungsstrich].^{^}