Urkunde Nr. 768 aus Band II

Seite im UB:

179-180 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

768

Weissenburg 1360 Mai 25 Dominik, Bischof von Siebenbürgen, erklärt eine Hofstelle in Weissenburg für erledigt und übergiebt dieselbe dem Jobagio Ladislaus, Sohn Laurencius' von Weissenburg.

Nos Dominicus dei et apostolicae sedis gratia episcopus Transsiluanus memoriae commendantes tenore praesentium significamus quibus expedit universis, quod nos volentes et considerantes civitatem nostram Albam multitudine iobagionum augeri et magis populosam efficere, ut ex hoc maioris honoris et utilitatis fructum recolligamus, matura deliberatione praehabita sub anno domini M^mo CCC^mo quinquagesimo septimo sic commiseramus et per fora eiusdem civitatis nostrae publice proclamari fecimus, ut omnes homines in praedicta civitate nostra loca sessionalia aedificiorum et domorum constructionibus decorarent, tandem ipsis tribus annis integerrime completis et peractis, cum nos ad universa sessionalia²⁾ deserta et penitus aedificiis destituta cives seniores et potiores hospites civitatis nostrae ante dictae ad aestimandum transmisissemus committendo ipsis, ut ipsa loca sessionalia et deserta conscientiose deum prae oculis habendo in fidei puritate ipsorum non amore, timore vel odio aestimare deberent in vera et condigna aestimatione eorundem, demum praedictis aestimatoribus nostris exinde ad nos reversis nobis retulerunt isto modo, quod ipsi fundum curiae inter Hanko germanum quondam Tych ab una et Nicolaum filium Gachal parte ex altera habitum, aedifieiis quibuslibet destitutum inter alia loca sessionalia deserta habitatoribusque destituta in praefata civitate nostra Alba existentia in tribus marcis argenti lotonem cum triginta tribus denariis computando conscientiose in fidei puritate ipsorum ut praemittitur aestimassent, et quia successor, cui ipse fundus curiae de iure devolvi et succedere debuisset, ad praemissas admonitiones et proclamationes nostras factas ad praetacta nostra mandata peragenda [S. 180] contumaciter resistendo non venit nec per alium adimplere curavit, ex eoque ipse fundus curiae praemissis de causis ac iure praescriptionis nostrae dispositioni et ordinationi pertinere debere dignoscebatur, ideo nos memoratum fundum curiae desertum et penitus aedificiis destitutum pro praemissa sua aestimatione Ladislao filio Laurencii iobagioni nostro de Alba praenotata contulimus, commisimus perpetuo pacifice possidendum, tenendum pariter et habendum ita tamen, quod idem Ladislaus filius Laurencii ipsas tres marcas argenti videlicet aestimationem praedicti fundi successori, ad quem praetactus fundus curiae devolvi de iure debuisset, cum advenerit dare et persolvere teneatur, curia tamen, domibus et aedificiis in eodem fundo curiae deserto per saepe fatum Ladislaum filium Laurencii praeparandis salvis remanentibus eidem. Datum Albae, secundo die festi Penthecostes, anno domini M<sup>mo>/hoch> CCC<hoch<mo>/hoch>b) sexagesimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S.179 (1 zu voranstehender Urkunde).^
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^

2) Vorlage: sessonalia.^</sup>