Urkunde Nr. 791 aus Band II

Seite im UB:

197-198

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

791

Ofen 1362 August 1 König Ludwig I. befiehlt der Gemeinde Schlatt, nur das Weissenburger Kapitel als Gutsherrschaft anzuerkennen.

Lodouicus dei gratia rex Hungariae fidelibus suis villico et universis populis de Zlatna salutem et gratiam. Ad auditum devenit nostrae maiestatis, quod licet quidem Nicolaus de Rosental de facto dictae possessionis Zlatna se intromiserit et eiusdem possessionis medietatem occupaverit occupatamque nomine sui iuris detineat, tamen ipsa possessio in nullo sibi attinet nec aliquod ius habet in eadem, sed honorabilis capituli ecclesiae Albensis Transiluanae esset possessio hereditaria et ad ipsum capitulum omnis iuris tramite deberet pertinere. Unde cum nos dictum capitulum huiusmodi suo iure rationabili nolimus per quempiam irrationabiliter destitui seu defraudari, mandamus vobis universaliter firmissime et districte, quatenus mox visis praesentibus memorato Nicolao de Rosental et etiam aliis sup[ra dictae possessio]nis illegitimis occupatoribus et detentoribus derelictis omnino et omissis supra dictis viris honorabilibus capitulo ecclesiae Transiluanae, quorum dominio ipsa possessio attinere dignoscitur, adhaerere et eidem capitulo vel eius officiali in omnibus parere et reverenter obedire sibique de universis suis iuribus et obventionibus plenarie respondere teneamini et debeatis sic, quod a modo supra dicto Nicolao vel aliis ipsius possessionis illegitimis occupatoribus nullaque occasione dominii dictae possessionis obedientiam aut reverentiam exhibere debeatis [ ]¹⁾ capitulum vobis pro dominis [S. 198] legitimis reputantes teneatis, secus facere non ausuri nostrae gratiae sub obtentu. Datum Budae, in octavis festi beati Jacobi apostoli, anno domini M^o CCC<sup>mo>/hoch> LXmo>/hoch> b) secundo.

Unter dem Siegel Kanzleibemerkung.


a) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über dem Zahlzeichen, letztes nach dem Zahlzeichen nichthoch mit Abkürzungsstrich.^

1) Schrift geschwunden, 3.7 Centimeter breit. ^</sup>