Urkunde Nr. 793 aus Band II

Seite im UB:

199-200

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) - Familienarchiv Teleki zu Neumarkt (Családi levéltárak, Teleki család, marosvásárhelyi)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

793

Wirowititz 1363 Juli 19 ^a) König Ludwig I. verleiht Katherina, der Gattin Ladislaus' von Mehes, Erbrecht in Betreff der Besitzung Bell und aller andern Besitzrechte Ders's von Kaltwasser.

Nos Lodouicus dei gratia rex Hungariae memoriae commendantes tenore praesentium significamus quibus expedit universis, quod nos consideratis et in memoriam revocatis fidelium obsequiorum meritis laudabilibus fidelis nostri Ladislai filii Nicolai filii Gereu de Mehes, quae idem in nostris et regni nostri negotiis et processibus diversis ut puta prosperis et adversis constanti virtute, devota sollicitudine et iugi laborum assistentia nostrae maiestati sacroque nostro regio diademati exhibuit hactenus et iugiter in futurum ut credimus exhibebit, eius etiam vo[tiva] humili supplicatione nobis porrecta in exauditionis gratiam admissa nobilem dominam Katherina nuncupatam consortem ipsius Ladislai filiam scilicet quondam Ders de Hydegwyz in possessione eiusdem Ders patris sui Bolya vocata in comitatu Albensi Transsiluano habita necnon in omnibus aliis possessionibus et possessionariis iuribus olim ipsius Ders ubilibet existentibus praefecimus, creavimus et constituimus verum et legitimum in heredem et successorem de plenitudine [S. 200] regiae potestatis et gratia speciali, volentes, ut ipsa nobilis domina Katherina in praedictis possessionibus paternis et iuribus possessionariis olim dictum Ders patrem suum iusto titulo tangentibus ad instar filii succedat simul cum omnibus earum utilitatibus et pertinentiis per eam et eius heredes ac posteritates universas ex praesenti gratia et constitutione et dono nostrae maiestatis iure perpetuo et irrevocabiliter possidendis, tenendis et habendis lege regni nostri consuetudinaria huic iuri et gratiae repugnare non valente. Praesentes autem dum nobis reportatae fuerint faciemus sub maiori sigillo nostro privilegialiter emanari. Datum in Wereuche, feria quarta proxima post festum divisionis apostolorum, anno domini millesimo CCC^mo LX^{mo b)} tertio.


a) Ausstellungsort im UB als: Verovitica.^{^}
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über dem Zahlzeichen, letztes nach dem Zahlzeichen nichthoch mit Abkürzungssstrich.^{^}