Urkunde Nr. 826 aus Band II

Seite im UB:

224-225 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

826

Widdin 1365 Juni 29 Dionysius, Woiwode von Siebenbürgen, beauftragt seinen Vizewoiwoden Peter mit der Entscheidung in der Streitsache zwischen Johann, Sohn Gegus' von Malmkrog, und den Sachsen von Grosskopisch und Waldhütten, betreffend den Landstrich Lapus.

Dyonisius vaivoda Transiluanus et comes de Zonuk dilecto sibi Petro vicevaivodae suo dicti vaivodatus dilectionis plenitudinem cum salute. Noveritis quod nobis in regno Bulgariae prope civitatem Bodinyensem in praesenti regio exercitu existentibus magister Johannes filius Gegus de Almakerek nostram in praesentiam veniendo exhibuit nobis quasdam literas patentes domini nostri regis in praedicto exercitu proxime transactis in quindenis festi sanctae trinitatis¹⁾ emanatas, per quarum tenores inter cetera idem dominus noster rex exauditis querimoniis praedicti magistri Johannis quandam terram Lapus vocatam eiusdem magistri Johannis cum silvis, vineis, arboribusque et terris arabilibus et quibusvis utilitatibus ut dicitur per Saxones praedicti domini regis de villis Walthyd et Kapus indebite occupatam eidem magistro Johanni scita prius omnimoda veritate perpetuo statui facere praecipiebat. Quibus quidem literis regalibus sic exhibitis praescripti Saxones duarum villarum hic existentes et per nos in praesentiam nostram legitime vocati comparentes se super facto praescriptae terrae Lapus efficacia instrumenta ac munimenta habere retulerunt ex adverso. Quibus sic perceptis commisimus eo modo, quod praedictae utraeque partes instrumenta eorum super facto dictae terrae Lapus, si quae habent confecta, contra sese in octavis festi beati Jacobi apostoli nunc venturi²⁾ coram vobis in villa Zentemeryh exhibere teneantur, vosque praedictis partibus praesentibus exhibitis etiam instrumentis earum si quae habent super dicta terra Lapus confecta iuxta earundem tenores et praedictarum literarum regalium simi- [S. 225] liter per dictum magistrum Johannem tunc coram vobis reexhibendarum, scita etiam et perscrutata veritate propositionum ipsarum partium praenotatarum¹⁾ omnino mandatis domini nostri regis nobis impositis obtemperantes ipsam terram Lapus, si praedictis Saxonibus convenire ipsam agnoveritis, ex tunc iuxta praedictum regium mandatum a iure regali ipsam non separetis, sin autem eandem terram Lapus ipsius magistri Johannis fore verosimiliter cognoveritis, tunc ipsum magistrum Johannem in eandem terrae particulam Lapus vocatam legitime statuentes pacifice conservetis. Datum octavo die quindenarum praedictarum, in loco praenotato, anno domini M^mo CCC^mo LX^mob) quinto.

Auf der Rückseite Adresse: Dilecto sibi Petro vicevaivodae suo Transiluano pro magistro Johanne filio Gegus de Almakerek praeceptoria in octavis festi beati Jacobi²⁾ coram vobis exhibenda.

Unter dem Siegel: Relatio Petri vicevaivodae.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 224, 1-2 auf S. 225 (3-4 zu nachfolgender Urkunde).^{^}
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^{^}
[S. 224]
1) Juni 22. ^{^}
2) August 1. ^{^}
[S. 225]
1) Vorlage: praenotata.^{^}
2) August 1.^{^}