Urkunde Nr. 845 aus Band II

Seite im UB:

238-239

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

845

1366 Mai 5 Das Weissenburger Kapitel schaltet die Urkunde des Königs Ludwig I. von 1366 Nr. »843 ein und berichtet dem Könige, dass die Eigentümer des Landstrichs Lapus nicht festgestellt werden konnten, und dass die Grösse dieses strittigen Gebietes achtzig Mansionen beträgt.

Excellentissimo principi domino Lodowico dei gratia illustri regi Vngariae capitulum ecclesiae Transsiluanae orationum suffragia devotarum cum perpetua fidelitate. Literas vestras honore quo decuit recepimus in haec verba. (Folgt die Urkunde des Königs Ludwig I. von 1366 Nr. »843.) Nos enim mandatis vestris obtemperare cupientes ut tenemur una cum eisdem hominibus vestris scilicet honorabili viro domino Petro praeposito ecclesiae omnium [S. 239] sanctorum de Wesprimio ac magistro Johanne filio Zoard nostros homines videlicet magistros Georgium et Ladislaum socios et concanonicos nostros ad praemissa exequenda duximus transmittendos. Qui demum ad nos reversi nobis concorditer retulerunt, quod ipsi in die festi inventionis sanctae crucis¹⁾ ad faciem ipsius terrae litigiosae Lapus vocatae accessissent et magister Johannes filius Gegus prius unam metam terream ex parte possessionis Walthyd habitam ostendisset, quam metam ambae partes veram commisissent, deinde per magnum et longum berch eundo versus meridiem unam metam prout eis apparebat ostendisset, quam iidem Saxones non veram metam esse affirmabant, ulterius eundo usque ad finem eiusdem berch plura loca metarum demonstrasset, quas per eosdem Saxones destruxisse fatebatur, sed ibi nullo modo metae apparebant, postea in fine eiusdem berch unam magnam metam demonstrasset, quam ambae partes veram et separantem inter possessiones Kaps, Byrtholm et Almakerek esse affirmabant, et plures metas idem magister Johannes ulterius non demonstrasset, demum praedicti Saxones ad unum aliud berch eosdem adduxissent, in quo descendendo plures metas apparentes et existentes ostendissent, quas erexisse tempore quondam Ladislai vaivodae fatebantur, sed praedictus magister Johannes ipsas metas potentialiter erectas esse affirmabat. Et quia partes praedictae super ipsa terra litigiosa concordes esse non poterant, una cum nobilibus et comitibus de sede Medyes vicinis et commetaneis ibidem existentibus, prout ingenio considerare et intueri valebant, praefatam terram taliter existimassent, ut in ipsa terra octuaginta mansiones seu curiae residere ac in terris arabilibus, silvis, aquis et vineis victualia et fructus habere possunt commode et utiliter in eisdem. Datum tertia feria proxima post festum eiusdem festi inventionis sanctae crucis, anno praenotato.

Auf der Rückseite Adresse: Domino regi pro magistro Johanne filio Gegus contra hospites de Kops et Walthug super terra Lapus vocata relatoriae.


1) Mai 3.^{^}