Urkunde Nr. 852 aus Band II

Seite im UB:

244-245 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

852

Klausenburg 1366 Mai 24 Dionysius, Woiwodevon Siebenbürgen, ersucht den Kolozsmonostorer Konvent, bei der Begehung des Hatterts der Stadt Thorenburg einerseits und der Besitzung Ajton andererseits, beziehungsweise bei der Abschätzung des strittigen Gebietes mitzuwirken.

Viris religiosis conventui de Clusmunustra amicis suis reverendis Dyonisius vaivoda Transsiluanus et comes de Zonuk amicitiam paratam sincero cum honore. Noverit vestra amicitia, quod nos in Clusuar in festo beatae Elenae reginae²⁾ una cum baronibus et nobilibus regni iudiciario pro tribunali sedentibus et quorumlibet litigantium, domino nostro regi conquerentium causas iusto iuris tramite decernentibus Johannes filius Zumuro, Benedictus filius Petri et Johannes filius Emerici iudices civitatis Tordensis in personis universorum civium et hospitum eiusdem civitatis Tordensis de medio aliorum causidicorum exsurgendo contra magistros Jacobum dictum de Brasso et Nicolaum filium Johannis nobiles de Drag proposuerunt eo modo, quod cum ipsi et alii concives ipsorum mediante nomine regio per regiam maiestatem ad hoc deputato metas praedictae civitatis Tordensis ex parte possessionis Ohtun vocatae praedictorum magistrorum Jacobi et Nicolai reambulare et novas metas in locis necessariis erigere voluissent, in personis iam dictorum magistrorum Jacobi et Nicolai familiares et procuratores eorundem erectioni earundem metarum contradictionis velamine obviassent. Cuius contradictionis rationem experiri vellent per magistros Jacobum et Nicolaum praenotatos. Quo audito praedictus magister Jacobus pro se personaliter ac pro eodem magistro Nicolao Johannes Crispus famulus suus cum procuratoriis literis nostris consurgendo responderunt eo modo, quod tempore reambulationis et erectionis metarum supra nominatae civitatis Tordensis contradictionem erectioni earundem metarum pro eo fecissent, quia per praemissam reambulationem et erectionem metarum iidem iudices civitatis Tordensis magnam particulam terrae eorum praedictae possessionis ipsorum Ohtun vocatae occupare et ad eandem civitatem applicare voluissent, nam ipsi iustas et rectas metas praedictae possessionis eorum Ohtun vocatae ex parte praedictae civitatis Tordensis separatas ostendere et demonstrare [ ter]mino³⁾ per nos ipsis assignando prompti essent et parati. [S. 245] Unde quia absque iterata reambulatione metarum praedictae civitatis Tordensis et einsdem possessionis Ohtun nuncupatae modo inferius declarando fienda inter easdem partes congruum iudicium super praemissis facere non poterimus et ad ipsam reambulationem metarum praedictarum homines nostri et vestri transmitti debere videbantur, ideo vestram amicitiam praesentibus requirimus reverenter, quatenus¹⁾ vestros mittatis homines pro utrisque partibus pro testimoniis fide dignos, qnibus praesentibus Johannes de Twr vel Nicolaus dictus Zupus aut Andreas de Pethlend pro parte praedictorum iudicum et civium ac hospitum civitatis Tordensis actorum, item Georgius de Buda aut Nicolaus de Zumurduk vel Johannes Toth dictus de Chamafaya pro parte praedictorum magistrorurn Jacobi et Nicolai in causam attractorum aliis absentibus homines nostri in octavis festi beati Johannis baptistae proxime venturis²⁾ et aliis diebus ad hoc aptis congrue sufficientibus ad facies praedictarum metarum ipsius civitatis Tordensis vicinis et commetaneis ipsarum partium inibi legitime convocatis et praesentibus primo iuxta demonstrationem et ostensionem praedictorum iudicum et civium civitatis Tordensis metas ipsius civitatis ex parte praedictae³⁾ possessionis Ohtun separantes et distinguentes demumque metas et cursus metarum eiusdem possessionis Ohtun ex parte praefatae civitatis Tordensis iuxta ostensionem et demonstrationem memoratorum magistrorum Jacobi et Nicolai reambulent videantque ibidem et diligenter conspiciant, cuius partis ostensae metae veriores, apparentiores et certiores existunt, et si partes in huiusmodi reambulationibus et ostensionibus suarum metarum concordes fierent, unicuique parti sua iura possessoria novis metis in locis necessariis erectis ab invicem separando statuant et committant pacifice possidenda. Si vero in aliqiubus particulis terrarum discordes exstiterint, tunc ipsis particulas vel particulam terrae, quae inter partes contentiosa et litigiosa remanserit, regali mensura mensurando vel, si mensurari nequiverint, visu considerando deum et eius iustitiam ferendo prae oculis, favore, amore et odio cuiuslibet partis procul abiectis, circumspecta sui qualitate, quantitate, fructuositate et valore una cum aliis probis viris aestiment regni consuetudine requirente. Et post haec ipsarum metarum reambulationem, seriem cum totius pacti negotii processu ad octavas festi beati Michaelis archangeli similiter proxime affuturas⁴⁾ in vestris literis nobis amicabiliter rescribatis. Datum in loco praedicto, tertio die termini praenotati, anno domini M^o CCC^mo LX^mo VI^{o b)}.



a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 244 (1 zu voranstehender Urkunde), 1-4 auf S. 245.^{^}
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier über dem Zahlzeichen, nach LX nach dem Zahlzeichen nichthoch mit Abkürzungsstrich.^{^}
[S. 244]
2) Mai 22.^{^}
3) Loch, 1.4 Centimeter breit. ^{^}
[S. 245]
1) Hierauf durchgestrichen: vestrum mittatis hominem pro testimonio fide dignum, quo praesente.^{^}
2) Juli 1.^{^}
3) Hierauf durchgestrichen: civitatis.^{^}
4) Oktober 6.^{^}