Urkunde Nr. 870 aus Band II

Seite im UB:

269

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Abschrift

Abdruck als:

Volltext

Sprache:

Latein

---

870

Hermannstadt 1366 August 4 Die Hermannstädter Provinz spricht der Gemeinde Kelling das dieser durch Comes Michael, den Sohn Daniels von Kelling, und Genossen strittig gemachte Hattertgebiet zu.

Nos Jacobus Hentzmanisse magister civium civitatis Cibinii, comes Cunradus Cibiniensis, comes Hemmingius de Schenk, Petrus Schewer de castro Sches vicevicarii venerabilis in Christo patris domini, domini Wilhelmi episcopi Quinqueecclesiensis in partibus Transsilvaniae constituti, necnon comes Andreas de Millembach iudex Cibiniensis in persona¹⁾ regiae maiestatis cum universitate²⁾ providorum pertinentium ad eosdem damus pro memoria tam praesentibus quam futuris praesentium notitiam habituris, quod cum praeteritis essemus in generali terriloquio videlicet in crastino inventionis sancti Stephani protomartyris³⁾ congregati discretos hommes et hospites de Kelnek parte ex una necnon nobiles viros comitem Michaelem filium comitis Danielis, comitem Stephanum, Salomonem, Andream, Michaelem, Nicolaum fratres filios⁴⁾ Nicolai filii comitis Salomonis de eadem nostram adiisse praesentiam⁵⁾ parte ex altera pro recipiendo iudicio et libertatibus videlicet pratum situm in territorio hospitum de Kelnek prope aquam infra Czykerh et silvam necnon villam Olahalem Neger vocatam aquam regalem. Nos vero receptis et auditis eorum probativis literis dictos campos et pratum cum silva et aqua ipsis hospitibus de Kelnek libere et plenarie ascribentes adiudicavimus perpetue suis usibus prout in suis literis episcopalibus, Petri vicevaivodae et iuratorum de Sebes plenius continetur. In cuius rei testimonium firmum praesentes literas pendente nostro sub sigillo suo robore⁶⁾ perpetuo valituras duximus⁷⁾ concedendas.⁷⁾ Datum anno domini millesimo trecentesimo sexagesimo sexto,⁸⁾ die et loco quibus supra.


1) Vorlage: parte.^{^}
2) Vorlage: simultate.^{^}
3) August 4.^{^}
4) Vorlage: filii.^{^}
5) Vorlage: provinciam.^{^}
6) Vorlage: roborare.^{^}
7) Fehlt in der Vorlage [2x].^{^}
8) Hierauf: = 1366.^{^}