Urkunde Nr. 887 aus Band II

Seite im UB:

283-284 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

887

1367 Januar 13 Das Weissenburger Kapitel bezeugt, dass Comes Salomon, Sohn des Comes Michael von Schässburg, und Genosse an den Schässburger Bürger Comes Peter Suner, Sohn Henchmanus', und Genossen eine Mühle sammt Zubehör verkauft haben.

Capitulum ecclesiae Transsilvanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod Georgio filio Nicolai in persona comitis Salomonis filii quondam comitis Mychaelis de Segusuar cum literis procuratoriis generalibus et causalibus nobilis viri Petri vicevaivodae Transsilvani ac Nicolao filio eiusdem comitis Mychaelis personaliter ab una parte, ab alia vero comitibus Petro filio Henchmani dicto Suner, Danyele filio Nicolai dicto Brunner et Mychaele filio alterius Nicolai dicto Kammar civibus de eadem Segusuar coram nobis personaliter constitutis, confessum exstitit per eosdem Georgium filium Nicolai nomine procuratorio quo supra, et Nicolaum filium eiusdem comitis Mychaelis personaliter pariter et relatum ministerio vivae vocis, quod idem comes Salomon et Nicolaus frater suus molendinum ipsorum in eadem civitate Segusuar in fluvio Kykullev habitum, duas rotas in se continens cum aliis molendinis, quae vulgo cherturus et corlou vocantur, cum omnibus utilitatibus et pertinentiis quibuslibet ad idem molendinum spectantibus eisdem comitibus Petro filio Henchmani, Danyeli filio Nicolai et Mychaeli filio alterius Nicolai ac per eosdem suis heredibus heredumque suorum successoribus pro sex [ ]²⁾ florenis plene solutis et receptis ab eisdem perpetuo et irrevocabiliter vendidissent, tradidissent et assignassent, ac vendiderunt, tradiderunt et assignaverunt coram nobis possidendum, tenendum pariter et habendum, totum [S. 284] ius et dominium proprietarium ipsius molendini et pertinentiarum eiusdem in ipsos comites Petrum, Danielem et Mychaelem ac eorum posteros plene et integre transferendo, nihil iuris et dominii in eisdem pro ipsis reservando, obligantes praedicti Georgius filius Nicolai auctoritate procuratoria eundem comitem Salomonem ac Nicolaus filius eiusdem comitis Mychaelis personaliter se ipsum, praenominatos comites Petrum, Danielem et Mychaelem cum ipsorum successoribus praetextu seu ratione praedicti molendini et pertinentiarum eiusdem ab omnibus molestare et inquietare volentibus propriis laboribus et expensis per omnia expedire et in pacifica possessione eiusdem molendini et pertinentiarum eiusdem conservare. Datum in octavis festi epiphaniarum domini, anno eiusdem M^mo. CCC^mo.^b) LX septimo. Discretis viris Johanne praeposito, Andrea cantore, Petro custode et Nicolao archidiacono de Zonuk decano canonicis ecclesiae nostrae existentibus.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 283 (1 zu voranstehender Urkunde).^{^}
b) Die hochgestellten Buchstaben nach den Zahlzeichen sind in diesem Band des gedruckten Urkundenbuches differenziert gesetzt, hier stets über den Zahlzeichen.^{^}

2) Lücke, 0.4 Centimeter. ^{^}