Urkunde Nr. 894 aus Band II

Seite im UB:

291-292

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden

Druckvorlage:

nach Original

Abdruck als:

Volltext

Sprache:

Latein

---

894

1367 März 15 Das Weissenburger Kapitel schaltet die Urkunde des Königs Ludwig I. von 1367 Nr. »892 ein und berichtet dem Könige über die Einführung der Städte Deesakna und [Desch / ] Dees in die ihnen zurückerstatteten Gebietsteile.

Excellentissimo principi domino Lodouico dei gratia illustri regi Hungariae domino ipsorum capitulum ecclesiae Transiluanae orationum suffragia devotarum cum perpetua fidelitate. Noverit vestra excellentia nos¹⁾ literas vestras honore quo decuit recepisse in haec verba. (Folgt die Urkunde des Königs Ludwig I. von 1367 Nr. »892.) Nos enim mandatis vestris obtemperare cupientes ut tenemur una cum Johanne filio Petri filii Laurencii homine vestro nostrum hominem videlicet Nicolaum sacerdotem de choro nostro ad praemissa mandata vestra fideliter exequenda duximus transmittendum. Qui demum ad nos reversi nobis concorditer retulerunt, quod ipsi in die cinerum²⁾ ad facies praedictarum terrarum accessissent ac vicinis et commetaneis earundem universis legitime convocatis ipsisque praesentibus memoratas terras reambulassent per suas veras metas et antiquas novas iuxta veteres ubi necesse fuit erigendo reambulatasque et ab aliorum possessionariis iuribus metaliter separatas iuxta seriem et continentiam aliarum literarum vestrarum super ipsa restitutione terrarum praefatarum confectarum statuissent memoratis civibus de Desakna et de Deswar possidendas nullo contradictore apparente. Cursus autem metarum hoc ordine distinguuntur Primo et principaliter metae civitatum Desakna et Deswar vocatarum incipiunt in loco ubi Wyzzamus cadit in Nogzamus et ibi tenet metas cum nobilibus et separat praedictas civitates a nobilibus, abhinc super eundem fluvium Wyzzamus tendit versus partem meridionalem ad locum Wzdrewy vocatum, ubi etiam tenet metas cum eisdem nobilibus, deinde super eundem fluvium Wyzzamus currit supra versus eandem partem meridionalem ad locum Rakamazfoka, ubi tenet metas cum populis castri Baluanus vocati, inde exeundo³⁾ de ipso fluvio iuxta eundem fluvium unam metam terream erexissent, postea versus partem occidentalem procedendo circa eundem locum Rakamaz similiter unam metam terream in loco Egerkuch vocato, deinde versus eandem partem occidentalem directe eundo inter terras arabiles secus quandam viam, per quam ad Desakna itur, in ascendendo similiter unam metam terream erexissent, postea ascendendo ad quendam montem Romolosberche directe versus eandem partem occidentalem in latere eiusdem montis unam metam terream fodissent, ubi tenet metas cum nobilibus de Nema et ibi cives dictarum civitatum cum Petew literato et Nicolao filio [S. 292] Gregorii nobilibus de Nema easdera metas inter ipsas civitates et possessionem Beke pacifice componendo erexissent, demum directe versus eandem partem occidentalem procedendo super idem Romolosbereh currit versus eandem partem occidentalem, deinde cadit ad quendam montem Kuuesberchy vocatum a parte possessionis Nema, postea versus eandem partem occidentalem ascendit et currit directe super idem Kuuesberch versus villam Pentek et ibi in capite eiusdem montis Kuuesberch est una meta Almahatar vocata et ibi incipit tenere metas cum nobilibus de Nema et etiam filiis Beke filii Ladislai, medietas autem aquae Wyzzamus pertinet ad populos castri Baluanus alia medietate praefatis civibus de Desakna et Deswar remanente et sic cursus metarum terminantur. Datum secunda feria proxima post dominicam Reminiscere, anno praenotato.


1) Fehlt in der Vorlage. ^{^}
2) März 3. ^{^}
3) Vorlage: exiendo.^{^}