Urkunde Nr. 941 aus Band II

Seite im UB:

341-342

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

941

Klausenburg 1370 März 30 König Ludwig I. erlaubt der Stadt Klausenburg eine Piscina im Feneketlentou anzulegen und zu vollem Eigentum zu besitzen.

Nos Lodouicus dei gratia rex Hungariae memoriae commendantes tenore praesentium significamus universis, quod nobis in civitate nostra Cluswariensi existentibus fideles nostri Georgius iudex et iurati ac universi cives eiusdem civitatis nostrae Cluswariensis maiestati nostrae proposuerunt, quod ipsi et tota civium ac hospitum ipsius civitatis communitas pro commodo et usu eorum ac utilitate civitatis iam dictae quandam piscinam in lacu Feneketlentou vulgariter nuncupato, ad quem a parte meridionali de quodam fonte Starkpataka vocato rivulus descendens intrat et influit, ex quo etiam fonte ipsa piscina aquam haberet necessario in territorio praefatae civitatis, cuius quoque piscinae finis una prope metas villae Zamusfalua vocatae iaceret et se extenderet, de novo ordinare et ordinari ac situari facere cum clausuris necessariis vellent, supplicantes humiliter et devote celsitudini nostrae, ut ordinationi et situationi ipsius piscinae nostrum regium consensum adhibere et eandem piscinam propriis eorum usibus et commodis liberam dimittere dignaremur. Nos itaque humili et votivae supplicationi praedictorum iudicis, iuratorum et civium nostrorum regia favorabilitate aures exaudibiles praebentes pro commodo ampliori et statu meliori ac utilitatum incremento annotatae civitatis nostrae Cluswariensis necnon incolarum suorum iam dictis iudici, iuratis et civibus ac universitati hominum de eadem civitate praedictam piscinam, quam in loco praetacto nunc ut praefertur ordinant et situant, simul cum suis iuribus et proventibus liberam perpetuo ab omni iurisdictione vaivodae nostri Transiluani pro tempore constituti et suorum castellanorum ac officialium quorumvis et exemptam com- [S. 342] misimus per eosdem iudicem, iuratos et civium ac hospitum communitatem ipsorumque successores pro eorum propriis usibus et commodis perenniter conservandam et possidendam ipsius ordinationi atque situationi nostrum plenum consensum adhibentes iuxta supplicationem fidelium nostrorum praedictorum, ut iidem ad servitia regiae maiestati exhibenda valeant esse habiliores et validiores. Volumus igitur et vobis vaivodae nostro Transiluano nunc constituto et in futurum constituendo vestrasque vices gerentibus signanter autem vestris castellano de Leta et officiali de Cluswar necnon aliis personis singularibus cuiuscumque status existant firmo regio sub edicto mandamus, quatenus vos de praedicta piscina et aliis commodis pro communitate civium et hospitum memoratae civitatis nostrae Cluswariensis in territorio ipsius ordinandis nullo umquam tempore intromittere debeatis vel audeatis nec ipsos cives et hospites disturbetis in eisdem modo aliquali contra edictum et commissionem nostrae maiestatis, sed eandem piscinam simul cum omnibus suis iuribus et proventibus dictae civium et hospitum communitati pro eorum usibus propriis iuxta praemissam nostram annuentiam et commissionis seriem dimittatis pacifice, libere et quiete in aevum possidendam et tenendam. Praesentes autem dum nobis fuerint reportatae sub magno nostro sigillo faciemus emanari. Datum ibidem in Cluswar, Sabbato proximo ante dominicam Judica, anno domini millesimo CCC^o LXX^mo.

Unter dem Siegel: Relatio Sandri vicemagistri pincernarum regalium.