Urkunde Nr. 999 aus Band II

Seite im UB:

400

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Béldi [Fond Familial Béldi] (Inventar 1152)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

999

Szentimre 1373 Februar 17 Ladislaus, Vizewoiwode von Siebenbürgen, ersucht den Kolozsmonostorer Konvent, bei der Einführung des Magisters Stephan von Kend in den Besitz von Gogeschdorf mitzuwirken.

Religiosis viris et honestis conventui ecclesiae beatae Mariae virginis de Clusmonustra amicis suis Ladislaus vicevaivoda Transsiluanus amicitiam paratam debito cum honore. Dicit nobis magister Stephanus filius Thomae filii Symonis bani de Kend, quod quaedam possessio sua Gyakus vocata in comitatu de Kykylleu existens nunc apud manus alienas habita recaptivatione et sibi statutione plurimum indigeret. Super quo vestram petimus amicitiam praesentibus diligenter, quatenus vestrum mittatis hominem pro testimonio fide dignum, [quo] praesente Georgius et Thomas filii Ws dicti Hodnogh de Anduriasfolua vel Marcus de Korogh aut Johannes de Dengelegh aliis absentibus homo noster ad faciem praedictae possessionis Gakus vicinis et commetaneis eiusdem undique legitime inibi convocatis et praesentibus accedendo, recapiat eandem recaptivatamque et ab aliorum possessionariis iuribus separatam et distinctam statuat eidem magistro Stephano filio Thomae eo iure, quo sibi dignoscitur pertinere, perpetuo possidendam, si per quempiam non fuerit contradictum, contradictores vero si qui fuerint, citet eosdem in nostram praesentiam ad terminum competentem rationem contradictionis ipsorum reddituros. Et post haec seriem omnium praemissorum, prout fuerit opportunum, nobis in vestris literis amicabiliter rescribatis. Datum in sancto Emerico, feria quinta proxima post festum beati Walentini martyris, anno domini M^mo CCC^mo LXX^mo tertio.