Urkunde Nr. 1003 aus Band II

Seite im UB:

402-403 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. I (Inventar 25), Nr. 31.

Druckvorlage:

nach Original

Abdruck als:

Volltext

Sprache:

Latein

---

1003

Wissegrad 1373 März 18 König Ludwig I. erteilt den Sachsen von Hermannstadt das Recht, Wachs zu giessen und das mit ihrem Stadtzeichen versehene Wachs im ganzen Reiche insbesondere in [S. 403] Stuhlweissenburg feilzubieten, beziehungsweise nach Wien damit Handel zu treiben.

Von der Kanzlei: Relatio Stephani vaivodae praesente Temes et Ladislao familiaribus suis.

Nos Lodouicus dei gratia rex Hungariae, Poloniae, Dalmaciae et cetera significamus tenore praesentium quibus expedit universis, quod nos sicut pro fidelibus et gratuitis famulatibus fidelium civium et Saxonum nostrorum de Cybinio partis Transiluanae per eosdem nostrae celsitudini ferventi devotione exhibitis et impensis sic non minus pro utilitate et commodo eiusdem civitatis nostrae civibus et hospitibus nostris de eadem huiusmodi gratiam et libertatis praerogativam duximus de innata nostrae regiae liberalitatis munifica clementia faciendam et elargiendam, ut iidem cives nostri a modo in antea ceram sub pura liquefactione infundendi et sub impressione sigilli seu signi eiusdem civitatis quocumque in regno nostro voluerint et signanter in Albam regalem venditionis causa deferendi ipsamque ceram absque iterata liquefactione tam nostris regnicolis quam extraneis mercatoribus quibus maluerint venditioni exponere vel commutare liberam et absolutam habeant facultatem. Ubi vero in casum ipsam ceram ibi Albae venditioni exponere non possent et non valerent, tunc eandem ad vendendum et commutandum in Vyennam deferre valeant atque possint harum sub nostrae maiestatis testimonio literarum. Datum in Wyssegrad, feria sexta proxima ante dominicam Oculi, anno domini M^mo CCC^mo LXX^mo tertio.

Unter dem Siegel: Relatio Stephani vaivodae praesente Temes et Ladislao familiaribus suis.


a) Seitenumbruch im Kopfregest.^{^}