Urkunde Nr. 1008 aus Band II

Seite im UB:

405-406

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

1008

Avignon [1373] Juli 10 Papst Gregor XI. beauftragt den Hermannstädter Propst dem Kaplan der Königin-Mutter Elisabeth, Johann Nicolai, ein kirchliches Benefizium zu verleihen.

De beneficiis quaternus II.^a)

Dilecto filio praeposito ecclesiae de Scebenio Transilvanensis diocesis salutem et cetera. Dignum arbitramur et cetera et cetera. Volentes igitur dilectum filium Johannem Nicolai presbyterum Transilvanensis diocesis vacaturis [S. 406] apud nos de vitae ac morum honestate aliisque probitatis et virtutum meritis multipliciter commendatum horum intuitu necnon consideratione carissimae in Christo filiae nostrae Elisabeth reginae Ungarie senioris illastris pro dicto Johanne dilecto capellano suo nobis super hoc humiliter supplicantis favore prosequi gratioso, discretioni tuae per apostolica scripta mandamus, quatenus et cetera usque beneficium ecclesiasticum, cuius fructus, redditus et proventus, si cum cura, viginti quinque, si vero sine cura fuerit, decem et octo marcarum argenti secundum taxam decimae valorem annuum non excedant, ad collationem, provisionem, praesentationem seu quamvis aliam dispositionem venerabilis fratris nostri episcopi Transilvanensis pertinens, dummodo canonicatus et praebenda ecclesiae cathedralis non existat, si quod vacat ad praesens vel cum vacaverit, quod idem Johannes per se vel procuratorem suum ad hoc legitime constitutum infra unius mensis spatium, postquam sibi vel eidem procuratori de ipsius beneficii vacatione constiterit, duxerit acceptandum, conferendum eidem Johanni post acceptationem huiusmodi cum omnibus iuribus et pertinentiis suis donationi tuae auctoritate nostra reserves, districtius inhibendo et cetera et cetera. Datum Avinione, VI. Idus Iulii, anno tertio.


a) Vermerk auf dem Rand.^{^}