Urkunde Nr. 1009 aus Band II

Seite im UB:

406-407

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

1009

Bei Villeneuve [1373] August 8 Papst Gregor XI. benachrichtigt den Kniner Bischof Paul über die bei dessen Weihe zu beobachtenden Vorschriften.

Gregorius episcopus et cetera dilecto filio Paulo electo Tiniensi salutem et cetera. Cum nos pridem Tiniensi ecclesiae tunc pastoris regimine destitutae de persona tua nobis et fratribus nostris ob tuorum exigentiam meritorum accepta de fratrum eorundem consilio auctoritate apostolica duxerimus providendum praeficiendo te eidem ecclesiae in episcopum et pastorem, prout in nostris inde confectis literis plenius continetur, nos ad ea, quae ad tuae commoditatis augmentum cedere valeant, favorabiliter intendentes, tuis supplicationibus inclinati tibi, ut a quocumque malueris catholico antistite gratiam et communionem apostolicae sedis habente ascitis et in hoc sibi assistentibus duobus vel tribus catholicis episcopis similem gratiam et communionem habentibus munus consecrationis recipere valeas, ac eidem antistiti, ut munus praedictum auctoritate nostra impendere libere tibi possit, plenam et liberam concedimus tenore praesentium facultatem. Volumus autem, quod idem antistes, qui tibi praefatum munus impendet, postquam tibi illud impenderit, a te nostro et ecclesiae Romanae nomine fidelitatis debitae solitum recipiat iuramentum iuxta formam, quam sub bulla nostra mittimus interclusam, ac formam iuramenti, quod te praestare contigerit, nobis de verbo ad verbum per tuas patentes literas tuo sigillo signatas per proprium nuncium quantocius destinare procuret, quodqueper hoc venerabili fratri nostro ..¹⁾ [S. 407] archiepiscopo Spalatensi, cui praefata ecclesia metropolitico iure subesse dignoscitur, nullum imposterum praeiudicium generetur. Datum apud villam novam Avinionensis diocesis, VI. Idus Augusti, pontificatus nostri anno tertio.


1) Hugolinus.^{^}