Urkunde Nr. 1013 aus Band II

Seite im UB:

408-409

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

1013

Bei Villeneuve [1373] September 26 Papst Gregor XI. beauftragt den Erzbischof von Kalocsa, die Pfarrstelle von Grossscheuern an Johann von Kirchberg, den Pfarrer von Zied und Kaplan des Königs Ludwig I., zu verleihen.

De beneficiis vacantibus qua ternus IV. ^a)

Venerabili fratri episcopo Cenadiensi¹⁾ salutem et cetera et cetera. Cum itaque nuper dilecto filio Martino de Scibinio, rectori parochialis ecclesiae plebaniae de Magno horreo nuncupatae Strigoniensis diocesis, de praepositura ecclesiae Scibiniensis Transilvanensis diocesis, quae dignitas curata existit et quae tunc certo modo vacare sperabatur, per nostras certi tenoris literas mandaverimus provideri et propterea, quamprimum ipse Martinus vigore dictarum literarum praedictam praeposituram fuerit pacifice assecutus, praedictam parochialem ecclesiam, quam dictus Martinus tunc obtinebat prout adhuc obtinet, vacare speretur, nos volentes dilectum filium Johannem de Kirchpert, rectorem parochialis ecclesiae de Wessodia dictae Strigoniensis diocesis, de probitatis et virtutum meritis apud nos multipliciter commendatum horum intuitu necnon consideratione carissimi in Christo filii nostri Ludovici [S. 409] regis Ungariae illustris pro dicto Johanne dilecto capellano suo nobis super hoc humiliter supplicantis favore prosequi gratioso, fraternitati tuae per apostolica scripta mandamus, quatenus et cetera et cetera usque praedictam parochialem ecclesiam de Magno horreo, cum ipsam ut praefertur vacare contigerit, eidem Johanni cum omnibus iuribus et pertinentiis suis auctoritate praedicta conferas et assignes, inducens et cetera et cetera usque seu quod dictus Johannes praefatam parochialem ecclesiam de Vessodia noscitur obtinere. Volumus autem quod idem Johannes quamprimum vigore praesentium praedictam ecclesiam de Magno horreo fuerit possessionem pacificam assecutus, praedictam parochialem ecclesiam de Vessodia, quam ut praefertur obtinet et quam ex tunc vacare decernimus, omnino, prout etiam ad id se sponte obtulit, dimittere teneatur et cetera et cetera. Datum apud villam Novam Avinionensis diocesis, VI. Kalendas Octobris, anno tertio.


a) Vermerk auf dem Rand.^{^}

1) Nicolaus. ^{^}