Urkunde Nr. 1031 aus Band II

Seite im UB:

430-431

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Original

Abdruck als:

Volltext

Sprache:

Latein

---

1031

1374 Juni 16 Das Weissenburger Kapitel bezeugt, dass Ladislaus, Sohn Enterichs von Eppeschdorf, seiner Mutter Elena, der Tochter des Comes Peter von Birthälm, die Besitzung Ehrgang überlassen hat.

Nos capitulum ecclesiae Transsiluanae significamus tenore praesentium quibus expedit universis, quod cum nos ad instantem petitionem magistri Ladislai filii Emerici de Ebesfalua per certtim suum nuncium nobis porrectam, qui iusto et legitimo impedimento praepeditus ad nos personaliter venire non valebat, nostrum hominem videlicet magistrum Michaelem socium et concanonicum nostrum, coram quo ipse magister Ladislaus infra scriptam coufessionem suam fateretur, duximus transmittendum, tandem idem magister Michael homo noster exinde ad nos reversus nobis retulit in hunc modum, quod praefatus magister Ladislaus filius Emerici coram ipso et aliis nobilibus et discretis viris videlicet Nicolao de Eurmenes et Stephano de sancto Johanne ecclesiarum rectoribus, item Ladislao filio Ladislai de Zarkad, Elleus, Nicolao, Ladislao filiis Stephani de Turuzkou, Stephano de Syle, Michaele filio Laurencii de Batizhaza, Emerico filio Dominici de Zeukefolwa, Johanne filio Deseu de Keud, Nicolao de Egres, Gregorio de Chapori, Nicolao Rufo de Machkas et Ladislao filio Johannis de Proathay quandam possessionem suam Erney vocatam in comitatu de Kykelleu existentem cum omnibus suis utilitatibus ex permissione et bona voluntate Petri filii Georgii de Zenthyan fratris sui patruelis tunc ibidem personaliter astantis et id consentientis dominae Elenae matri suae filiae scilicet quondam comitis Petri de Berthlm pro dote et rebus paraphernalibus¹⁾ suis ac pro centum marcis fini argenti, quas ipse quibusdam arduis necessitatibus suis compulsus de rebus scrinialibus dictae dominae Elenae matris suae tempore traductionis secum adductis expendisset, pro perpetuo dedisset et tradidisset possidendam et habendam tali conditione mediante, ut praefata domina tempore suae mortis memoratam possessionem cum omnibus suis utilitatibus cuicumque voluerit legandi liberam et plenam haberet facultatem hoc tamen declarato, quod mortua ipsa domina praenominatus Petrus filius Georgii de Zenthyan vel suae posteritates aut ille, cui de iure magis congrueret et pertineret, praefatam possessionem ab eo, cui per annotatam dominam legata fieret, [S. 431] in sua aestimatione condigna sine strepitu alicuius litis vel iudicii redimere posset et valeret. Datum feria sexta proxima post festum beati Barnabae apostoli, anno domini M^mo CCC^mo septuagesimo quarto.


1) Vorlage: parorphanalibus.^{^}