Urkunde Nr. 1063 aus Band II

Seite im UB:

455-456

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1063

Thorenburg 1377 April 20 König Ludwig I. bezeugt, dass nach Aussage der Richter und geschworenen Beisitzer des Thorenburger Landtags den von Klausenburg nach Bacs, Nagyalmas und Banffihunyad reisenden Kaufleuten Abgabenfreiheit zusteht, beziehungsweise, dass nur in Bacs Abgaben erhoben werden.

[S. 456] Nos Lodouicus dei gratia rex Hungariae, Poloniae, Dalmaciae et cetera memoriae commendamus per praesentes, quod in congregatione nostra generali per certos nostros barones videlicet venerabilem in Christo patrem dominum Demetrium episcopum Zagrabyensem et virum magnificum Nicolaum de Zeech regni nostri Croaciae banum universitati nobilium et incolarum partis Transsiluanae in octavis festi Pascae domini¹⁾ Tordae celebrata Nicolaus filius Thomae iudex et alter Nicolaus filius Johannis cives de Cluswar in suis ac universorum civium et hospitum nostrorum de eadem Cluswar personis de medio aliorum in eorundem baronum nostrorum exsurgendo praesentiam proposuerunt eo modo, quod quicumque mercatores seu forenses hommes, qui cum eorum rebus et mercibus de ipsa civitate nostra Cluswar ad villam Bach vocatam et abhinc ad Hunyad et ad Almas gressus eorum facere vellent, illae viae semper et ab antiquo tutae et liberae fuissent ac securae tributaria exactione absque omni, nec a dicta civitate nostra Cluswar usque ad easdem possessiones Hunyad et Almas vocatas aliquod aliud tributum praeterquam in ipsa Bach haberetur, quae iudicibus nobilium iuratisque assessoribus dictae congregationi nostrae adhaerentibus constarent evidenter, petentes iidem cives nostri eosdem barones nostros, ut ipsi praefatos iudices nobilium iuratosque assessores dictae congregationi nostrae adhaerentes requisitos haberent, qualem scirent de praemissis eis facerent veritatem. Cumque igitur iidem barones nostri eosdem iudices nobilium iuratosque assessores super praemissis requisitos habuissent, iidem iudices nobilium iuratique assessores ad fidem eorum deo debitam, tacto vivificae crucis ligno praestitam fidelitatemque nobis et sacrae nostrae coronae regiae observandam voce concordi et unanimi taliter affirmarunt, ut quicumque mercatores et forenses homines, qui cum eorum rebus et mercibus de dicta civitate nostra Cluswar ad villam Bach vocatam et abhinc ad possessiones Almas et Hunyad vocatas gressus eorum facere vellent, illae viae semper et ab antiquo tutae et liberae fuissent ac securae tributaria exactione absque omni nec a dicta civitate nostra Cluswar praedicta usque ad easdem possessiones Almas et Hunyad vocatas aliquod aliud tributum praeterquam in ipsa villa Bach haberetur. In cuius assertionis testimonium praesentes literas nostras dictis civibus nostris de Cluswar duximus concedendas. Datum in praedicta Thorda, sedecimo die congregationis nostrae praenotatae, anno domini millesimo CCC^mo LXX^mo septimo.


1) April 5.^{^}