Urkunde Nr. 1069 aus Band II
- Seite im UB:
- 460
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Druckvorlage:
- nach Original
- Abdruck als:
- Volltext
- Sprache:
- Latein
1069
Klausenburg 1377 Mai 9 König Ludwig I. verbietet dem Kastellan von Sebesvar und Genossen, von den Klausenburgern in Banffihunyad Abgaben zu erheben. Orig. Perg. Stadtarchiv Klausenburg. Siegel, rund, Durchmesser 10.7 Centimeter, war in weisses Wachs auf der Rückseite aufgedrückt.
Lodouicus dei gratia rex Hungariae, Poloniae, Dalmaciae et cetera fidelibus suis castellano nostro de Sebusuar nunc constituto et in futurum constituendo eorumque vicecastellanis et vices gerentibus quibus praesentes ostenduntur salutem et gratiam. Fideles cives et hospites nostri de Koluswar missis ad nos nunciis ipsorum dicunt querulose, quod vos ipsos ratione tributi in villa Hunyad vocata exigendi nimium turbaretis et tributam ab eis faceretis extorqueri. Unde cum praedicti cives et hospites nostri de Kolusuar privilegiata libertate eorum per praedecessores nostros olim reges Hungariae illustres data et ipsis per nos confirmata requirente nullas in partibus Transsiluanis de rebus et mercibus ipsorum tributum dare et solvere teneantur, ut in eisdem privilegiis vidimus contineri, ipsosque nos velimus in praemissa eorum libertate observari, fidelitati vestrae firmissime praecipimus et districte, quatenus praefatos cives et hospites nostros de Kolusuar iam dicta libertate pacifice permittatis gratulari nec ratione exactionis alicuius tributi praesumatis ipsos molestare obtentu nostrae gratiae aliud non facturi. Datum in Kolusuar praedicta, tertio die festi ascensionis domini, anno eiusdem M
mo. CCC
mo. LXX
mo septimo.