Urkunde Nr. 1072 aus Band II

Seite im UB:

462-463

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1072

Bistritz 1377 Mai 18 König Ludwig I. verbietet Otho, dem Abt von Kolozsmonostor, von den Klausenburgern die Abgabe des Tributum montis zu erheben.

Lodouicus dei gratia rex Hungariae, Poloniae, Dalmaciae et cetera fideli suo religioso viro domino fratri Othoni abbati monasterii beatae virginis de Clusmonostura salutem et gratiam. Insinuant nobis fideles nostri iudex, iurati et universi cives ac hospites nostri de Cluswar, quod vos super eos de vineis ipsorum in territorio dicti monasterii adiacentibus montis tributum recipere niteremini et velletis, cum tamen ipsi semper et ab antiquo [S. 463] de eisdem vineis ipsorum non tributum montis sed solum veras ipsorum decimas solvere essent assueti. Unde cum nos praefatos fideles iudicem, iuratos eives ac hospites nostros de dicta Clusuar per huiusmodi inconsuetam tributi montis solutionem aggravari non velimus, fidelitati vestrae firmo edicto regio praecipientes mandamus, quatenus eosdem iudicem, iuratos et cives ac hospites nostros praetextu solutionis ipsius tributi montis nullatenus audeatis molestare, sed sinatis eos more alias consueto decimas eorum de eisdem¹⁾ vineis ipsorum persolvere pacifice et quiete, aliud facere non ausuri gratiae nostrae sub obtentu. Et hoc idem iniungimus aliis abbatibus monasterio in praedicto constituendis in futurum dantes eis similibus sub praeceptis. Praesentes autem post lecturam reddi iubemus praesentanti. Datum in Beztricia Transsiluana, secundo die festi Penthecostes, anno domini millesimo CCC^mo LXX^mo septimo.


1) Vorlage: eidem.^{^}