Urkunde Nr. 1073 aus Band II

Seite im UB:

463 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1073

Neumarkt am Mieresch 1377 Mai 21 ^b) König Ludwig I. verbietet Magister Sophornik, dem Kastellan von Sebesvar, von den Klausenburgern in Banffihunyad Abgaben zu erheben.

Lodouicus dei gratia rex Hungariae, Poloniae, Dalmaciae et cetera fideli suo magistro Sophornik castellano de Sebuswar vel vicecastellano eiusdem salutem et gratiam. Fideles cives et hospites nostri de Kuluswar missis ad nos nunciis ipsorum dicunt querulose, quod vos²⁾ ipsos ratione tributi in villa Hunyad vocata exigendi nimium turbaretis et tributum ab eis faceretis extorqueri. Unde cum praedicti cives et hospites nostri de Kuluswar privilegiata libertate eorum per praedecessores nostros olim reges Hungariae illustres data et ipsis per nos confirmata requirente nullas in partibus Transsiluanis de rebus et mercibus ipsorum tributum dare et solvere teneantur, ut in eisdem privilegiis vidimus contineri, ipsosque nos velimus in praemissa eorum libertate conservari,³⁾ fidelitati vestrae firmiter praecipiendo mandamus, quatenus praefatos cives et hospites nostros de Kuluswar iam dicta eorum libertate pacifice permittatis gratulari nec ratione exactionis alicuius tributi praesumatis ipsos molestare, obtentu nostrae gratiae aliud non facturi. Et hoc idem iniungimus aliis castellanis nostris et vicecastellanis eorundem castro in praedicto constituendis in futurum dantes eis similibus sub praeceptis. Datum in Zekulwasarhel, feria quinta proxima post festum Penthecostes, anno domini millesimo CCC^mo LXX^mo septimo. [S. 464]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 463 (1 zu voranstehender Urkunde).^{^}
b) Ausstellungsort im UB als: Neumarkt.^{^}

2) Gebessert aus: nos.^{^}
3) con auf Rasur. ^{^}