Urkunde Nr. 1093 aus Band II

Seite im UB:

490

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1093

Hatvan 1378 April 29 König Ludwig I. widerruft seine Verfügungen in Betreff der Besitzungen und Besitzrechte Peters, des Sohnes Georgs von Johannisdorf, und anerkennt das Ladislaus, dem Sohne Emerichs von Eppeschdorf bezüglich dieser Besitzungen und Besitzrechte zustehende Erbrecht.

Nos Lodouicus dei gratia rex Hungariae, Poloniae, Dalmaciae et cetera memoriae commendamus per praesentes, quod licet nos omnes possessiones et quaeque iura possessionaria quondam Petri filii Georgii de Zenthiuan comitatus de Kykulleu nomine possessionum hominis sine herede decedentis quibusdam personis hominum perpetuo contulerimus, aliis etiam annuerimus concedentes, ut de possessionibus eisdem et etiam Ladizlai filii Emerici filii Emerici de Ebesfolua eiusdem comitatus ius quartae puellaris quarundam dominarum cum possessionibus in specie et non cum pecunia habere valeant atque possint, tamen quia praefati Georgius et avus dicti Ladizlai, ut ex relatione quorundam fidelium nostrorum certitudinaliter sumus informati, fratres fuerunt uterini et ob hoc possessiones eiusdem olim Petri dicto Ladizlao debent devolvi et redundari, ipsa etiam gratia super iure quartali puellarum modo quo supra facta contra consuetudinem regni nostri foret admissa, ideo nos nemini in suo iure deesse volentes neque libertates et consuetudines regni nostri violare intendentes praemissas alias gratias quibusvis personis hominum factas simul cum literis exinde confectis duximus revocandas, annullandas, mortificandas et in nihilum praesentibus committimus redigendas adeo, ut ipse Ladizlaus a modo dictis possessionibus olim Petri fratris sui patruelis tamquam propriis et iure successorio ad eum devolutis potiatur et de quarta puellari uni cuique secundum regni nostri approbatara consuetudinem respondere teneatur, mandantes cunctis regni nostri iudicibus et iustitiariis, ut praemissae gratiae nostrae formam per omnia effectui teneantur mancipare. Datum in Hothuon, feria quinta proxima post octavas festi Pascae, anno domini M^o CCC^o LXX^o octavo. [S. 491]