Urkunde Nr. 1107 aus Band II

Seite im UB:

503

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach Original

Abdruck als:

Volltext

Sprache:

Latein

---

1107

Diósgyőr 1379 Mai 8 König Ludwig I. verbietet Goblinus, dem Bischof von Siebenbürgen, von den Klausenburgern den Zehnten in ungehöriger Weise und an ungehörigem Orte einzuheben.

Von der Kanzlei: Commissio domini regis.

Lodouicus dei gratia rex Vngariae, Poloniae, Dalmaciae et cetera fideli suo devoto venerabili in Christo patri domino Goblino episcopo Transiluano salutem et gratiam. Querela fidelium nostrorum universorum civium et hospitum nostrorum de Coluswar nobis per comites Nicolaum filium Thomae et Nicolaum filium Johannis de eadem porrecta patefecit, quomodo vos et decimatores vestri decimas vobis ex parte ipsorum provenire debentes more et consuetudine et locis consuetis ab ipsis minime recipere velletis, sed huiusmodi decimas nimis graviter et minus licite ab eisdem extorquere permitteretis et in locis non consuetis in eorum praeiudicium atque damnum. Mandamus ideo vestrae fidelitati firmiter per praesentes, quatenus deinceps decimas a praefatis civibus et hospitibus nostris more et consuetudine ac locis pristinis recipere et exigere debeatis licitas et consuetas ipsos ad decimas inconsuetas et in locis indebitis dari minime praesumentes, cum dicti cives in hac parte se plurimum sentiunt aggravatos. Aliud igitur non facturi. Praesentes reddatis praesentanti. Et hoc idem futuris episcopis ecclesiae Transiluanae committimus firmiter faciendum. Datum Dios Gewr, die dominica proxima post festum inventionis sanctae crucis, anno domini M^o CCC^o. LXXIX^o.¹⁾

Unter dem Siegel: Commissio domini regis propria. [S. 504]


1) Unterhalb des Textes stand eine Kanzleibemerkung, welche noch zur Zeit der Ausfertigung des Stückes abgewaschen worden ist. ^{^}