Urkunde Nr. 1108 aus Band II

Seite im UB:

504

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach Original

Abdruck als:

Volltext

Sprache:

Latein

---

1108

Diósgyőr 1379 Mai 8 König Ludwig I. verbietet Goblinus, dem Bischof von Siebenbürgen, die Verletzung der den Klausenburger Kaufleuten in Siebenbürgen beziehungsweise auf der Bacser, Nagyalmaser und Banffihunyader Strasse zustehenden Abgabenfreiheit.

Von der Kanzlei: Commissio domini regis.

Lodouicus dei gratia rex Vngariae, Poloniae, Dalmaciae et cetera fideli suo devoto venerabili in Christo patri domino Goblino episcopo Transiluano ipsiusque officialibus, quibus praesentes ostenduntur, salutem et gratiam. Gravissima querela detexerunt nostrae maiestati nostri fideles cives et hospites de Coluswar per Nicolaum filium Thomae et Nicolaum filium Johannis comites de eadem nnncios eorum, quomodo vos ipsos in tributis vestris contra eorum libertatem antiquam et approbatam, quam eis praedecessores nostri reges Vngariae et demum nos propter eorum fidelitatis constantiam largiti sumus gratiose, ut in partibus Transiluanis simul cum eorum rebus liberi habeantur absque omni tributi solutione, et signanter a villa Bach usque Almas et Hunyad impediretis, et vestri graviter molestarent in exactione tributi contra; praemissam eorum libertatem, quod etiam nullus praedecessorum vestrorum hactenus fecisset. Verum quia licite et digne teneamur nostros subditos fideles in eorum libertatibus et gratiis illaesos conservare, mandamus ideo vestrae fidelitati firmiter per praesentes, quatenus memoratos cives et hospites nostros in locis vestris tributariis nullo modo perturbare seu tributum aliquod contra eorum libertatem recipere aut exigere permittatis, sed ipsos potius una cum rebus, hominibus et mercibus suis quibuslibet quoties opportunum fuerit liberos et pacificos transire sinatis, ne nobis toties de vobis cogantur querimonias translegare. Et hoc idem futuris episcopis ecclesiae Transiluanae in futurum constituendis committimus firmiter faciendum. Praesentes autem reddi iubemus praesentanti. Datum Diosgewr, die dominica proxima post festum inventionis sanctae crucis, anno domini M^o. CCC^o. LXXIX^o.¹⁾

Unter dem Siegel: Commissio domini regis.


1) Unterhalb des Textes befand sich ursprünglich eine, bei Ausfertigung der Urkunde getilgte, Kanzleibemerkung.^{^}