Urkunde Nr. 1112 aus Band II

Seite im UB:

506-507 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1112

Diósgyőr 1379 September 1 Demetrius, Erzbischof von Gran, ermahnt den Marienburger Pfarrer Nikolaus, Dekan von Kronstadt, zur Abstellung der von Seite des Kapitels gegen den Dekan erhobenen Beschwerden, betreffend den Ort der Kapitelssitzungen, die Siegelbewahrung und die Handhabung der Disziplinargewalt.

Demetrius miseratione divina tituli sanctorum quatuor coronatorum presbyter cardinalis, legatus sedis apostolicae et Strigoniensis ecclesiae gubernator, eiusdem loci comes perpetuus et summus aulae regiae cancellarius honorando viro domino Nicolao plebano de castro Mariae et decano Brossouiensi salutem in domino et infra sertis mandatis firmiter obedire. Honorandi viri domini de capitulo vestro Brassouiensi inter alia nobis gravi insinuant cum querela, quod vos capitulum et iudicium in civitate Brassoviensi videlicet in parochiali ecclesia eiusdem celebrari solita et haberi non in ipsa civitate et ecclesia sed alibi contra dictam consuetudinem ab antiquo servatam auctoritate propria celebrare et habere velletis, quin immo semper haberetis et etiam celebraretis contiuuo de praesenti, quodque sigillum ipsius capituli et universitatis Brassouiensis sub plurium clavibus dominorum de dicto capitulo conservari solitum et servatum ad vos recepissetis ipsum vos tantummodo conservantes infracta¹⁾ consuetudine supra dicta, et his non contentis quod deterius est minimam propter causam voluntarie et iuris totaliter contra formam contra loca etiam et personas tam ecclesiasticas quam [S. 507] mundanas interdicti et alias sententias assistentibus vobis laicis et una cum ipsis sine lege pluries tulissetis et ferretis quotidie, incessanter plurimas alias novitates et molestias ipsis dominis de capitulo fratribus vestris minus debite inferentes in praeiudicium dictorum dominorum et capituli ac plurium aliarum personarum etiam et locorum scandalum et gravamen. Igitur volentes praemissa quantum cum deo possumus reformare et ipsis dominis de capitulo de opportuno super ipsis querimoniis remedio providere discretioni vestrae mandamus vobis in virtute sanctae obedientiae firmiter per haec scripta nihilominus iniungentes, quatenus observantes praefatas consuetudines in talibus observatas capitulum et iudicium in civitate Brassouiensi videlicet in ecclesia parochiali eiusdem et non alibi celebrari solita et haberi celebrare et habere, necnon sigillum ipsius capituli et universitatis Brassouiensis sub clavibus plurium dominorum de dicto capitulo conservari solitum et conservatum conservari permittere debeatis de cetero prout fuit alias consuetum, et nihilominus propter causas minimas interdicti vel alias sententias contra loca vel personas quascumque contra iuris formam nullatenus promulgetis, et nullum sine lege gravantes in omnibus et signanter in talibus iuris ordine procedatis acceptione postposita personarum, et tandem ad ea peragenda forum ecclesiasticum quae concernunt requiratis et invocetis ipsos confratres vestros dominos de capitulo et non laicos eosdem sincera tractantes in domino caritate, rancore et odio postergatis. Qui si feceritis, ut nulla videlicet super his et aliis consimilibus nobis de cetero hat querela, bene quidem et nobis erit acceptum, alioquin commisimus et praesentium tenore auctoritate nostra committimus honorandis viris dominis Cibiniensibus de Helena et de Africa ecclesiarum rectoribus et plebanis, ut omnes simul ad vos personaliter accedendo praemissorum omnium prout decet conscientiose experiantur omnimodam veritatem, et si sic esse repererint ut praefertur, tunc eisdem simili quo supra modo mandamus, quatenus praemissa omnia debito moderamine reforment auctoritate praefata, quae reformata iuris ordine per vos et alios faciant inviolabiliter conservari contradictores quoslibet et rebelies ad observationem firmiter compellendo ecclesiasticam per censuram usque satisfactionem et reformationem condignam omnium praemissorum. Postremo volentes, quod praenominati plebani prout eis constiterit de praemissis et quidquid vos et ipsi feceritis circa haec iuxta facti seriem nobis seriose referant¹⁾ iuxta conscientiam eorundem, aliud non facturi. Datum in Dyosgeur, feria quinta proxima post festum decollationis beati Johannis baptistae, anno domini M^mo CCC^mo LXX^mo nono.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 506, 1 auf S. 507.^{^}
[S. 506]
1) Vorlage: infrincta.^{^}
[S. 507]
1) Vorlage: referebant.^{^}