Urkunde Nr. 1118 aus Band II

Seite im UB:

512-513

Heute in:

Klausenburg, Filiale des Erzbischöflichen Archivs [Arhiva Arhidiecezei Romano Catolice de Alba Iulia si arhiva statusului Romano Catolic din Transilvania, Filiala Cluj]

Druckvorlage:

nach Original

Abdruck als:

Volltext

Sprache:

Latein

---

1118

1380 Januar 12 Das Weissenburger Kapitel bezeugt, dass Ladislaus, Sohn Demetrius' von Zuckmantel, und Genossen gegen Balad und Stephan, die Söhne Thomas', Einsprache erhoben haben, betreffend die Besitzungen Keretye und Becsehely.

Nos capitulum ecclesiae Transiluanae significamus tenore praesentium quibus expedit universis, quod Ladizlaus filius Demetrii de Chekmantel ad nostram personaliter veniendo praesentiam suo necnon Valentini et Johannis et Mark filiorum Jacobi filii quondam Symonis bani, Stephani, Thomae et Ladizlai filiorum Nicolai filii praedicti Symonis bani, Johannis filii Petri filii Mychaelis de Almas, Ladizlai, Mychaelis, Pauli et Mathiae filiorum [S. 513] Jacobi filii Mychaelis de Somogyon fratrum suorum patruelium in personis per modum protestationis et prohibitionis nobis significare curavit, quod Balad et Stephanus filii Thomae filii quondam scilicet praedicti Symonis bani fratres ipsorum patrueles quasdam possessiones Gereche et Bekchehel vocatas cum earum attinentiis seu pertinentiis in comitatu Zaladiensi existentes ipsos communiter tangentes a vigesimo anno incipiens potentialiter occupando uterentur ususfructus et utilitates earundem percipiendo et percipi faciendo incessanter, de quarum possessionum fructibus et utilitatibus quolibet anno ducentos florenos auri percepissent et perciperent de praesenti in ipsorum praeiudicium et gravamen valde magnum, unde ipse facta huiusmodi protestatione praefatos Balad et Stephanum filios Thomae ab ulteriori indebita et potentiaria praefatarum possessionum Gereche et Bekchehel nuncupatarum occupatione necnon usuumfructuum et utilitatum earundem perceptione et percipi factione facta vel facienda nominibus quibus supra prohibuit contradicendo et contradixit inhibendo coram nobis. In cuius protestationis et prohibitionis testimonium praesentes literas nostras concessimus communi iustitia suadente. Datum feria quinta proxima post festum epiphaniae domini, anno eiusdem M^mo CCC^mo LXXX^mo.