Urkunde Nr. 1121 aus Band II

Seite im UB:

520

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1121

Altsohl 1380 Februar 14 König Ludwig I. beauftragt den Woiwoden Ladislaus und dessen Vizewoiwoden, dafür zu sorgen, dass die Töchter und die Enkelinen Michaels, des Sohnes Daniels von Kelling, mit dem Sohne Salomons von Kelling zu gleichen Teilen nach Michael, dem Sohne Michaels von Kelling, erben.

Lodouicus dei gratia rex Hungariae, Poloniae, Dalmaciae et cetera fideli suo dilecto magnifico viro Ladizlao vaivodae Transsiluano et eius vicevaivodae salutem et gratiam. Noveritis quod nos ex relatione magistri Vbul de Kallou nobis facta percepimus, ut praelati et barones nostri in sede nostra iudiciaria Wissegradiensi consedentes ad praesens super factis possessionum quondam Michaelis de Kelnuk nobilis partis Transsiluanae hominis sine herede decedentis ex eo, quod in literalibus eiusdem monumentis conspexissent, ut possessionis suae universae ad superstites ipsius masculinos et femininos aequanimiter succedere deberent et devolvi, deliberantes decrevissent filium Salamonis de dicta Kelnuk fratris eiusdem quondam Michaelis patruelis admittere possessiones ad easdem. Cum itaque nobiles dominae filiae quondam Michaelis filii Danielis de dicta Kelnuk fratris eiusdem olim Michaelis¹⁾ de Kelnuk patruelis et etiam filiae filiorum eiusdem Michaelis filii Danielis, quarum²⁾ unam ipse magister Vbul habet legitimam in consortem, ab eodem stipite a quo dictus filius Salamonis traxerint propaginem, ideo eaedem in ipsis possessionibus aequam portionem habere debeant cum eodem. Ideo fidelitati vestrae damus in mandatis, quatenus iuxta praemissam sanctionem dictorum praelatorum et baronum nostrorum dictas filias ipsius olim Michaelis filii Danielis in possessionibus ipsius olim Michaelis de Kelnuk habita distinctione eodem modo faciatis esse portionatas sicut filium Salamonis praelibatum iustitia observata, quia nolumus, ut eaedem filiae suis iuribus destituantur. Et aliud pro nostra gratia non facturi. Futuris etiam vaivodis et eius vicevaivodis praecipimus illud idem dantes eis similibus sub praeceptis. Datum Zolii, feria tertia proxima post dominicam Invocavit, anno domini millesimo CCC^mo LXXX^mo. [S. 521]

Unter dem Siegel: Relatio Ladislai vaivodae Transsiluani.


1) So Vorlage, Richtig wohl: Salamonis.^{^}
2) Scilicet: filiarum Michaelis filii Danielis.^{^}