Urkunde Nr. 1124 aus Band II

Seite im UB:

522-523

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1124

Weissenburg 1380 April 15 Ladislaus, Woiwode von Siebenbürgen, bezeugt, dass Johann, Salomons Sohn, an Clara, Bagych, Anych, Magdalena und Anna, die Schwestern, sowie Anna, die Tochter, und Anna, die Nichte Michaels von Kelling, mehrere Besitzungen und Besitzanteile abgetreten hat.

Nos Ladislaus vaivoda Transsiluanus et comes de Zonuk memoriae commendantes¹⁾ tenore praesentium significamus quibus expedit universis, quod licet nos in possessionibus et possessionariis iuribus quondam Michaelis de Kelnuk ex speciali²⁾ literatoria regia commissione inter Johannem filium Salamonis fratrem patruelem praefati Michaelis ab una necnon nobiles dominas ac puellas Clara, Bagych, Anych et Magdalena filias quondam Michaelis filii Danielis sorores praedicti ipsius quondam Michaelis ac Annam filiam dicti Michaelis et alteram Annam filiam Ladislai de dicta Kelnuk parte ab altera congruentem et aequalem divisionem facere debuissemus, tamen quia iidem Johannes filius Salamonis ac dominae et puellae postulata nobis licentia concordandi, idem Johannes filius Salamonis simul cum Stephano filio Lucae conservatore suo fratre videlicet suo uterino ab una, item magister Wbul adducto secum Georgio filio suo pro eisdem nobilibus dominabus Clara, Bagych, Anych ac Magdalena sine literis procuratoriis, cuius onus et gravamen, si eaedem nobiles dominae in³⁾ infra scriptis ordinationibus persistere nollent, super se assumendo, item nobilis domina Anna consors Johannis filii Petri de Dyznoyow necnon altera Anna filia dicti Michaelis et tertia Anna filia quondam Ladislai similiter de Kelnek coram nobis personaliter constituti per eosdem confessum exstitit pariter et relatum ministerio vivae vocis in hunc modum, quod ipsi per ordinationem et corapositionem quamplurimorum potiorum regni nobilium pacem partium zelantium, ut omnis litis seu dissensionis materia eorum de medio radicitus evellatur et quod ipsi et eorum posteritates in bona pacis pulchritudine mutua vicissitudine perpetue quirent et valerent gratulari, fraternali cum amore, in factis praedictarum possessionura et possessionariarum portionum talem sese fecisse et ordinasse inter se nobis retulerunt perpetualem divisionem ac compositionem et concordiam, immo ipsam divisionem fecerunt et concordarunt nostro in conspectu eo modo, quod dictus Johannes filius Salamonis eisdem nobilibus dominabus ac puellis cum pro ipsarum quartis puellaribus quam etiam pro iuribus ipsarum in eisdem possessionibus et possessionariis iuribus [S. 523] quondam dicti Michaelis ipsis convenire debentibus totales possessiones Wingarth et Kuth appellatas necnon rectas dimidietates possessionum Veruseghaz, Gergurfaya et Benchench ac tertiam partem possessionis Rengunkirh olim per avum et patruum iam dicti quondara Michaelis emptas et comparatas tamquam in easdem nobiles dominas devolutas et redundatas velut ipsarum iura, ceterum de possessionibus hereditariis ipsius quondam Michaelis pro iuribus quartalibus ipsarum dominarum ac puellarum quartam et aequalem partem possessionum Hennungfalua et Birbou vocatarum et similiter quartam partem medietatum possessionum Sprernd et Drassou nuncupatarum, quae apud manus ipsius quondam Michaelis praefuissent, dedisset, donasset et contulisset, immo dedit, donavit et contulit nostri in praesentia per easdem dominas ac puellas per earumque successores tenere, possidere pariter et habere simul cum universis utilitatibus et pertinentiis quibuslibet ad easdem possessiones et portiones possessionarias spectantibus perpetuo et irrevocabiliter, prout ipsarum iura quartalia praenotata. E converso autem idem magister Wbul in personis dictarum dominarum necnon eaedem nobiles domina Anna et puellae ipsum Johannem filium Salamonis in residuitatibus praedictarum possessionum et possessionariarum portionum exceptis solummodo, si quas possessiones emptitias idem Johannes retinuisset, quae praevia ratione in ipsas ac earum posteritates deberent redundari, quietum et pacificum commisissent, immo commiserunt nostri in praesentia reddentes ipsum Johannem expeditum testimonio praesentium mediante. Datum in Alba Gyulae, octavo die quindenarum festi Pascae domini, anno eiusdem M^o CCC^mo LXXX^mo.


1) Vorlage: commendamus.^{^}
2) Vorlage: specialia.^{^}
3) Vorlage: se.^{^}