Urkunde Nr. 1129 aus Band II

Seite im UB:

528

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1129

Ofen 1380 Mai 14. König Ludwig I. verbietet dem siebenbürgischen Woiwoden und Genossen, sich hinsichtlich des dem Kokelburger Archidiakon Johann auf Rechnung der Archidiakonatsquarte zukommenden Zehntens von Bun Übergriffe zu erlauben.

Lodouicus dei gratia rex Hungariae, Poloniae, Dalmaciae et cetera fidelibus suis magnifico viro vaivodae Transsiluano et vicevaivodae eiusdem ac castellanis de Kwhalm, quibus praesentes ostenduntur salutem et gratiam. Ex conquestione honorabilis viri domini Johannis archidiaconi de Kykullew in ecclesia Transsiluanensi per eundem nobis facta percepimus, quod vos contra formam aliarum literarum nostrarum super facto decimarum villae Bwn vocatae ad capitulum praedictae ecclesiae Transsiluanensis de iure et ab antiquo pertinentium et ratione quartae archidiaconalis ipsum contingentium sub nostro secreto sigillo confectarum ad easdem decimas vos intromitteretis mandatis nostris in ipsis aliis literis nostris contentis penitus et per omnia spretis et parvipensis in praedicti capituli et ipsius praeiudicium valde magnum. Quare fidelitati vestrae firmiter praecipiendo mandamus, quatenus contra formam praescriptarum aliarum literarum nostrarum super facto praenominatarum decimarum sub nostro secreto sigillo confectarum ad factum ipsarum decimarum in nullo a modo et deinceps intromittere praesumatis, sed mandata nostra in ipsis aliis literis nostris contenta penitus et per omnia debeatis observare, et aliud non facturi. Datum Budae, secundo die festi Penthecostes, anno domini M^mo CCC^mo LXXX^mo.