Urkunde Nr. 1155 aus Band II

Seite im UB:

551-552 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 8554- Abt. 26: K. A. Marpod [Parohia Ev. CA Marpod], Nr. 2.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1155

1382 Februar 28 Das Weissenburger Kapitel schaltet die Urkunde des Vizewoiwoden Johann von 1382 Nr. »1154ein und berichtet dem Vizewoiwoden über die Begehung der Grenzen von Konradsdorf.

Nobili viro magistro Joanni vicevaivodae Transsiluano amico ipsorum capitulum ecclesiae Transsiluaniae amicitiam paratam cum honore. Literas vestrae amicitiae nobis directas recepimus in haec verba. (Folgt die Urkunde des Vizewoiwoden Johann von 1382 Nr. »1154.) Nos itaque iustis et legitimis petitionibus annuentes cum praedicto Bako de Mihalczffalwa homine vestro nostrum hominem videlicet discretum virum Petrum plebanum de³⁾ Karko ad praemissa peragenda duximus transmittendum. Qui demum exinde ad nos reversi nobis concorditer retulerunt, quod ipsi in dominica Invocavit [S. 552] nunc proxime praeterita¹⁾ ad faciem praedictae possessionis Korlatthelke vocatae vicinis et commetaneis eiusdem universis legitime convocatis et praesentibus accessissent eandemque per veras²⁾ suas metas antiquas novas iuxta veteres in locis necessariis erigentes modo infra scripto reambulando et ab aliorum possessionibus seu possessionariis iuribus undique separando et distinguendo reliquissent praenominatis fratribus et sororibus praenotati domini Goblini episcopi perpetuo possidendam et habendam nullo contradictore apparente. Metae autem praedictae villae Korlatthelke, prout ipsi vester et noster homines nobis recitarunt, hoc ordine protenduntur et procedunt. Prima meta incipit a parte territorii villae Hofeld, quae est versus septentrionem, ubi iuxta unam antiquam aliam metam de novo erexerunt, et inde procedit versus meridiem per directum usque ad quoddam fossatum iuxta quod a parte septentrionis similiter nova meta de novo est erecta. Inde ulterius procedit ultra dictum fossatum versus meridiem ascendendo quo³⁾ usque ad medium silvae super quendam montem parvum, ubi tertiam metam terream de novo accumularunt. Inde transit per silvam quandam³⁾ usque ad verticem montis ubi extra⁴⁾ silvam quarta meta est erecta, quae separat territoria villae Conradi praedictae et villae domini abbatis de Kercz, inde progreditur versus orientem descendendo in dorso montis, ubi successive erectae sunt de novo septem metae usque ultra viam quae ducit in Kercz, usque ad rivulum, ubi est erecta nova meta, quae separat et distinguit territoria villae Conradi, villae Kercz et Nouae villae. Inde egreditur et transit versus septentrionem ascendendo per dorsum montis usque ad locum arboris, quae dicitur tilia pulchra, ubi sunt duae metae antiquae. Ulterius transit per dorsum montis quo³⁾ ad distantiam longitudinis quatuor iugerum, ubi in nemore est antiqua meta, iuxta quam duae novae metae sunt erectae, quae separant territoria villae Conradi Hofold et Villenbac[h]. Inde versus occidentem versus primam metam directe per vallem, ubi successive sunt erectae novem novae metae, quae separant et distinguunt territoria villae Conradi et Hofold praedictarum et sic metae praedictae villae terminantur. Datum feria sexta proxima post praedictam dominicam Invocavit, anno praenotato.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3 auf S. 551 (1-2 zu voranstehender Urkunde), 1-4 auf S. 552.^{^}
[S. 551]
3) Fehlt in der Vorlage.^{^}
[S. 552]
1) Februar 23.^{^}
2) Vorlage: veteres.^{^}
3) 1598: quasi. [3x]^{^}
4) 1598: exit.^{^}