Urkunde Nr. 1157 aus Band II

Seite im UB:

555

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 40.

Druckvorlage:

nach Original

Abdruck als:

Volltext

Sprache:

Latein

---

1157

Püspökfalu 1382 März 14 König Ludwig I. verbietet den ausländischen Kaufleuten, ihre Waaren über Hermannstadt hinaus nach der Walachei zu verfuhren und ausserhalb der Zeit der Jahrmärkte in Hermannstadt Pfeffer, Safran und andere Spezereien im Kleinen zu verkaufen.

Nos Lodouicus dei gratia rex Vngariae, Poloniae, Dalmaciae et cetera notum facimus universis praesentes inspecturis, quod quia ex relatione fidelium civium nostrorum de Cybinio nobis facta percepimus, quomodo nonnulli homines mercatores advenae res mercimoniales¹⁾ ad ipsam civitatem nostram Cybiniensem adducerent et deinde cum eis placeret ipsa mercimonia de ipsa civitate nostra Cybiniensi ad partes Transalpinas ducerent et apportarent, nonnulli vero mercatores piper, crocum et alia specierum genera in²⁾ medio²⁾ ipsorum civium nostrorum stantes cum minuto³⁾ pondere divisim venderent et venditioni exponerent, per quae omnia ipsi civitati nostrae et eius inhabitatoribus praeiudicium et detrimentum eveniret valde magnum. Nos vero cupientes incommodis et defectibus ipsius civitatis nostrae obviare volumus, ut nullus hominum mercatorum extraneorum res mercimoniales, quas ad ipsam civitatem nostram Cybiniensem adduxerit, audeat iterum de eadem civitate ad partes Transalpinas deportare et etiam quod nullus mercatorum piper, crocum et alia specierum genera in dicta civitate cum ponderibus minutis²⁾ propinare seu vendere praesumant, alioquin contra facientes in ablatione ipsarum rerum suarum mercimonialium per venerabilem in Christo patrem dominum Gewblinum episcopum ecclesiae Albensis Transsiluanae nobis fidelem et dilectum, prout sibi commisimus et harum serie committimus, seu per certos suos homines, quos ad hoc ipse dominus episcopus deputandos duxerit, punientur⁴⁾ de quo nobis tandem non poterint imputare. In foris autem nundinarum ipsum piper, crocum et alias species libere vendere poterint et secure. Aliud igitur non facturi. Datum in villa Pyspuky, feria sexta proxima ante dominicam Letare, anno domini M^o CCC^o LXXX^o secundo.

Unter dem Siegel: Relatio domini Gewblini episcopi Albensis.


1) cimoni auf Rasur.^{^}
2) Auf Rasur. [3x]^{^}
3) Vom Urkundenschreiber am Ende der Zeile hinzugefügt.^{^}
4) Aus puniantur verbessert.^{^}